Agustín Portela Paz

Na Galipedia, a Wikipedia en galego.
Saltar para a navegação Saltar para a pesquisa
Agustín Portela Paz
Nacemento 3 de xaneiro de 1906
  Pontevedra
Falecemento 6 de decembro de 1992
  Pontevedra
Nacionalidade España
Profesión debuxante e aparellador
editar datos en Wikidata ]

Agustín Portela Paz, nado en Pontevedra o 3 de xaneiro de 1906 e finado na mesma cidade o 6 de decembro de 1992, foi un debuxante e aparellador galego.

Traxectoria[editar | editar a fonte]

Fillo de Francisco Portela Pérez. Cursou estudos de bacharelato en Pontevedra onde tivo como profesor de debuxo a Castelao. Trasladouse a Madrid e realizou estudos nas escolas de Enxeñeiros Industriais, Aparelladores e Belas Artes. De regreso a Pontevedra, traballou como aparellador no Concello e na Deputación Provincial, e presidiu o Colexio de Aparelladores durante 22 anos. Vinculado ao Partido Galeguista, foi promotor e fundador da Liga de los Derechos del Hombre en España. Durante o franquismo sufriu varios procesos.

Obra[editar | editar a fonte]

É autor dunha extensa obra como debuxante e aguafuertista e ilustrou libros de autores galegos. Colaborou en revistas e periódicos e publicou en 1947 unha colección de debuxos con notas de escritores como Otero Pedrayo, Vicente Risco e Fermín Bouza Brey co título Pontevedra e boa vila. Tamén ilustrou o libro Pontes do Lérez (1987) e publicou en 1992 O Trasno.

Vida persoal[editar | editar a fonte]

Foi pai de César Portela.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Agustín_Portela_Paz&oldid=4646365"