Alberto Bosch y Fustegueras

Na Galipedia, a Wikipedia en galego.
Saltar ata a navegación Saltar á procura
Alberto Bosch y Fustegueras
Alberto Bosch y Fustegueras

Alcalde de Madrid
← 1885  –  1885

1891  –  1892

Ministro de Fomento de España
23 de marzo de 1895  –  14 de decembro de 1895

Datos persoais
Nacemento 26 de decembro de 1848
Tortosa, España España
Falecemento 13 de maio de 1900
Madrid, España España
Partido Partido Conservador[1]
Profesión Enxeñeiro e político

Alberto Bosch y Fustegueras, nado en Tortosa o 26 de decembro de 1848 e finado en Madrid o 13 de maio de 1900[1][2], foi un enxeñeiro e político español, ministro de Fomento durante a rexencia de María Cristina de Habsburgo-Lorena.

Traxectoria[editar | editar a fonte]

Brillante estudante, ademais de doutorarse en Dereito licenciouse en Ciencias Exactas e Enxeñaría de Camiños e iniciou as carreiras de Medicina e Farmacia. A súa carreira política iniciouse en 1873 ao ingresar no Partido Conservador en cuxa representación obtivo unha acta de deputado pola circunscrición de Tarragona en 1876 repetindo escano nas eleccións de 1879 e 1881 para pasar en 1886 a ser nomeado senador pola Sociedade Económica de Madrid. En 1891 volve ao Congreso en representación de Albacete e en 1892 é nomeado senador vitalicio.

Foi académico da Real Academia de Ciencias entre 23 de marzo de 1890 e o 13 de maio de 1900.[2]

Alcalde de Madrid en 1885 e entre 1891 e 1892,[3] na súa primeira etapa á fronte do Concello madrileño unha epidemia de cólera arrasou a capital e a súa destacada loita para acabar coa enfermidade fixo que fose nomeado fillo predilecto e adoptivo de Madrid.

Foi ministro de Fomento entre o 23 de marzo e o 14 de decembro de 1895, data na que se viu obrigado a dimitir debido ás manifestacións multitudinarias que se celebraron na súa contra motivadas por un escándalo sobre os orzamentos municipais.[4]

Apartado da política activa dedicouse á investigación e á divulgación científica destacando as súas obras: Estudos trigonométricos (1875), Manual de Astronomía popular (1880), A agricultura española no século XIX (1883), Xeometría aplicada ás Artes (1885) e Colección de discursos políticos (1889).

Faleceu en Madrid o 13 de maio de 1900.[1][2]

Notas[editar | editar a fonte]

  1. 1,01,11,2 "D. Alberto Bosch y Fustegueras ex ministro de Fomento". La Ilustración Española y Americana, Ano XLIV, n.º 19 de 22 de maio de 1900: 294–295; 298. ISSN 1889-8394. 
  2. 2,02,12,2 Real Academia de Ciencias Exactas, Físicas y Naturales (ed.). "Académicos Históricos: Excmo. Sr. D. Alberto Bosch y Fustegueras". 
  3. Ayuntamiento de Madrid (ed.). "Alcaldes de Madrid. 1842-1900". 
  4. Centro de Ciencias Humanas y Sociales (CCHS) del CSIC (ed.). "Ministros y miembros de organismos de gobierno. Regencias, Juntas de Gobierno, etc (1808-2000)". 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Alberto_Bosch_y_Fustegueras&oldid=4745583"