Bernardo García Cendán

Na Galipedia, a Wikipedia en galego.
Saltar ata a navegación Saltar á procura
Bernardo García Cendán
Nacemento11 de abril de 1941
 Vilalba
Falecemento12 de xuño de 2012
NacionalidadeEspaña
editar datos en Wikidata ]

Bernardo García Cendán, nado en Vilalba o 11 de abril de 1941 e finado en Lugo o 12 de xuño de 2012[1], foi un sacerdote, profesor e escritor galego.

Traxectoria[editar | editar a fonte]

Fixo estudos eclesiásticos en Mondoñedo. Licenciado en Filosofía pola Universidade Católica de París e a Pontificia de Salamanca e en Socioloxía pola Universidade de París. Foi profesor no Seminario de Mondoñedo e despois párroco de Nosa Señora do Socorro de Ferrol ata 1987. Tamén foi profesor da Escola de Relacións Industriais de Ferrol, e profesor da Escola de Teoloxía da diocese de Mondoñedo. Logo foi profesor de Filosofía no Colexio Peleteiro de Santiago de Compostela e desde 1987 profesor de Socioloxía na Universidade de Santiago de Compostela.

Foi membro fundador da revista Encrucillada e da Asociación Irimia. Colaborou con artigos nas revistas Lucensia, Guía dos Libros Novos, Tempos Novos e Irimia.

Obras colectivas[editar | editar a fonte]

  • Meudon, une approche pastorale (París, 1970).
  • Catolicismo en España (Madrid, 1985).
  • "Ferrol, estructura e identidade" en O Feito diferencial galego, tomo III, Museo do Pobo Galego, 1991.

Notas[editar | editar a fonte]

  1. "Morreu o escritor Bernardo García Cendán". Arquivado dende o orixinal o 10 de marzo de 2016. Consultado o 13 de febreiro de 2016. 

Véxase tamén[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Bernardo_García_Cendán&oldid=4977838"