Bieito IV, papa

Na Galipedia, a Wikipedia en galego.
(Redirixido desde "Bieito IV")
Saltar ata a navegación Saltar á procura
Bieito IV, papa
Pope Benedict IV Illustration.jpg
Nacementoséculo IXxuliano
 Roma
Falecementoxullo de 903
 Roma
SoterradoBasílica de San Pedro
Relixióncatolicismo
Ocupaciónclérigo e sacerdote católico
Períodoentre o 900 e o 903
Coñecido/a porser o papa n° 117 da igrexa católica
OrganizaciónIgrexa católica
CargosBispo de Roma
editar datos en Wikidata ]
Pope Benedict IV.jpg

Bieito IV, nado en Roma e falecido en xullo de 903, foi o 117ª Papa da Igrexa católica, de 900 a 903.

Traxectoria[editar | editar a fonte]

Fillo dun nobre romano chamado Mammalus, foi ordenado presbítero polo Papa Formoso e elixido Papa cando o trono do Sacro Imperio Romano Xermánico se atopaba vacante desde que no ano anterior, 899, Lamberto II de Spoleto falecera nun accidente ecuestre.

Aínda que Berenguer I, rei de Italia, reclamou o título imperial para si, o elixido foi Luís III o Cego ao que Bieito IV, no acto máis significativo do seu pontificado, coroou como emperador coa esperanza de conseguir apoio contra a invasión húngara no norte de Italia e a sarracena no sur. Dita esperanza foi va xa que Luís, derrotado por Berenguer, foi cegado e desterrado a Provenza.

Bieito IV, falto de apoios, quedou en mans de persoeiros como Teofilacto I, a súa esposa Teodora e a filla de ambos os dous, Marozia, que dominaron aos Papas durante os seguintes anos.

Durante o seu pontificado excomungou a Balduíno II de Flandres, acusándoo de instigar o asasinato de Fulquerio de Reims, o arcebispo de Reims.

Frodoardo, un historiador contemporáneo de Bieito IV, deulle o título de "Grande", gabando a súa xenerosidade e celo.

Faleceu en xullo de 903 e foi soterrado fronte a San Pedro, cerca da porta de Guido.

Predecesor:
Xoán IX
Emblem of the Papacy SE.svg
Papa

900903
Sucesor:
León V

Este artigo tan só é un bosquexo
 Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.

Traído desde "https://gl.wikipedia.org/w/index.php?title=Bieito_IV,_papa&oldid=4721720"