Carminho

Na Galipedia, a Wikipedia en galego.
Saltar ata a navegación Saltar á procura
Carminho
Carminho em 2014.jpg
Carminho en 2008
Nome completoMaria do Carmo de Carvalho Rebelo de Andrade
Nacemento20 de agosto de 1984 (35 anos)
OrixeLisboa
Ocupacióncantante e compositora
XéneroFado, jazz, bossa nova
Na rede
www.carminho.com.pt
editar datos en Wikidata ]
Carminho Zelt-Musik-Festival 2018 Freiburg, Alemaña

Maria do Carmo de Carvalho Rebelo de Andrade, coñecida como Carminho, nada en Lisboa o 20 de agosto de 1984, é unha fadista portuguesa.

Traxectoria[editar | editar a fonte]

Naceu nunha familia de músicos, sendo a súa nai, Teresa Siqueira, e o seu irmán, Francisco Andrade, tamén cantores.

Malia que comezou a cantar dende cativa, só aos 22 anos decidiu facer carreira musical despois dunha longa viaxe polo mundo que demorou 11 meses que a axudou a tomar esa decisión. Di que non precisou de coraxe e explica simplemente que é feliz a cantar o fado.

Pasou por varias casas de fado como A Taverna do Embuçado, Petisqueira de Alcântara e Mesa de Frades. Participou nos espectáculos da feira do toiro realizados en 2003 e 2004 en Santarém.

En 2005 cantou nun espectáculo, que tivo lugar no Teatro Camões, ofrecido polo presidente de Turquía ao presidente Jorge Sampaio. En 2005 recibiu o premio Amália, na categoría de Revelación Feminina.

Carminho participou no filme "Fados" de Carlos Saura de 2007. O disco coa banda sonora inclúe a faixa "Casa de Fados" coa participación de Vicente da Câmara, Maria da Nazaré, Ana Sofia Varela, Ricardo Ribeiro e Pedro Moutinho.

En maio de 2008 participou nun concerto de Tiago Bettencourt, tamén actuou na Casa da Música, na Expo Zaragoza 2008 e foi convidada para o espectáculo conmemorativo dos 45 anos de carreira de Carlos do Carmo, no Pavilhão Atlântico.

O disco "Fado", producido por Diogo Clemente e foi editado o 1 de xuño de 2009.

En marzo de 2012 lanzou o seu segundo disco titulado "Alma".

Discografía[editar | editar a fonte]

  • Fado (CD, EMI, 2009).
  • Alma (CD, EMI, 2012).
  • Canto (CD, Warner, 2014)
  • Carminho canta Tom Jobim (CD, Biscoito Fino/Warner, 2016)
Traído desde "https://gl.wikipedia.org/w/index.php?title=Carminho&oldid=5084976"