Casa das Artes

Na Galipedia, a Wikipedia en galego.
Saltar ata a navegación Saltar á procura

Coordenadas: 42°14′16″N 8°43′22″O / 42.23778, -8.72278

Casa das Artes
Casa das Artes rúa Policarpo Sanz Vigo.JPG
Arquitecto Romualdo Madariaga Céspedes
PaísGalicia, España
CidadeVigo
Inauguración1939 Como Banco de España
1990 Como Casa das Artes

A Casa das Artes é o centro principal de exposicións temporais programadas pola unidade de cultura do concello de Vigo. Tamén é a sede da Fundación Laxeiro, do Arquivo Fotográfico Pacheco e da colección Luís Torras. Constitúe o principal espazo destinado a albergar exposicións temporais municipais.[1]

Historia[editar | editar a fonte]

O actual emprazamento do museo ocupa o espazo ocupado anteriormente polo antigo Ministerio de Economía e Facenda, na rúa Policarpo Sanz 15. O edificio, deseñado na década dos trinta, albergou a sede do Banco de España en Vigo dende 1939 ata mediados da década dos oitenta, cando o Ministerio de Economía e Facenda decidiu pechar tódalas sucursais do banco emisor que non estiveran en capitais de provincia.[1]

O proxecto, asinado por Romualdo de Madariaga en setembro do 1938, e a intención da súa edificación xa partía de antes do golpe de estado do 18 de xullo do 1936. O edificio caracterízase polo seu chafrán central, que constitúe a súa principal seña de identidade, co que rompe a esquina das rúas Rúa Reconquista e Policarpo Sanz. A planta atópase aliñada coa rúa de Policarpo Sanz, dándolle unha pequena elevación sobre a rasante, que se resolve cunha curta escalinata, de xeito que o soto reciba iluminación exterior das fiestras que asoman pola rúa Reconquista.

A Casa das Artes, de senlleira arquitectura, é dende 1990 a sede principal da programación cultural da área de Cultura do concello de Vigo. Cada ano, expóñense nas súas salas exposicións de pintura, escultura, fotografía, e tamén de carácter científico e divulgativo, histórico, etnográfico e social. Destaca a exposición sobre Tamara de Lempicka que, por primeira vez en España, puido ser visitada nas salas deste centro, e que foi exposta no ano 2007.[2]

O inmoble[editar | editar a fonte]

Na planta baixa do centro atópase o arquivo fotográfico Pacheco, colección composta por 140.000 fotografías de Vigo feitas por Jaime de Sousa Guedes Pacheco e os seus fillos Jaime e Alberto dende o ano 1879 ata 1970.[3]

No segundo andar, se encontra a Colección Torras formada por 50 cadros doados e 17 cedidos en réxime de depósito,[4] polo artista vigués Luís Torras.

No terceiro andar atópase a Fundación Laxeiro, onde se pode atopar a colección do pintor lalinense Xosé Otero Abeledo, coñecido como Laxeiro, un dos máis importantes expoñentes das vangardas históricas galegas. Ademais realízanse exposicións temporais de artistas contemporáneos.

Notas[editar | editar a fonte]

  1. 1,01,1 Cultura: Casa das Artes
  2. "Tamara Lempicka, a artista, a muller, a lenda". Arquivado dende o orixinal o 11 de xaneiro de 2012. Consultado o 16 de xuño de 2008. 
  3. "El Archivo Pacheco de la Casa das Artes cuenta con un total de 140.000 fotografías, de las que 38.000 han sido digitalizadas". Arquivado dende o orixinal o 23 de marzo de 2005. Consultado o 16 de xuño de 2008. 
  4. vigo-virtual.com

Véxase tamén[editar | editar a fonte]

Bibliografía[editar | editar a fonte]

Traído desde "https://gl.wikipedia.org/w/index.php?title=Casa_das_Artes&oldid=4890930"