Celso Montero

Na Galipedia, a Wikipedia en galego.
Saltar ata a navegación Saltar á procura

Celso Montero Rodríguez, nado en Quintela de Leirado o 14 de novembro de 1930 e finado o 18 de xuño de 2003, foi un sacerdote, xornalista e político galego.

Traxectoria[editar | editar a fonte]

Fillo dun emigrante en Guinea Ecuatorial. Licenciado en Teoloxía e Ciencias da Información pola Universidade Pontificia de Comillas, onde coincidiu con Jesús Aguirre, Gabino Díaz Merchán, Julián Marías e José Luis López Aranguren. En 1965 ensinou no seminario de Cochabamba (Bolivia), onde coñeceu varios compañeiros que se unirían posteriormente ao movemento revolucionario de Ernesto Che Guevara en Bolivia, en 1969 visitou A Habana. Consecuencia da súa experiencia nesta visita abandonou os seus contactos co marxismo, que iniciara da man de Régis Debray. De volta a Galicia deixou o sacerdocio. Traballou en La Región.

Militante do PSdeG-PSOE e da UXT, foi o seu refundador na provincia de Ourense a partir de 1976[1]. Concorreu na lexislatura constituínte na Candidatura Democrática Galega formada por personalidades de impronta galeguista e á que apoiou o PSdeG e que se integrou no Grupo Socialista cando foi escollido senador pola provincia de Ourense en 1977. Repetiu o cargo nos comicios de 1979, pero nas de 1982 non o conseguiu directamente, e foi posteriormente designado pola Comunidade Autónoma. En 1986 volveu saír elixido pola provincia de Ourense, e non se presentaría á releección en 1989. Foi tamén conselleiro de Traballo da Xunta preautonómica (1978-1979) e deputado no Parlamento de Galicia elixido en 1981.

Foi tamén vicevaledor do Pobo desde 1991 ata 1995[2].

Obras[editar | editar a fonte]

  • Cristianos en la Revolución Cubana.

Notas[editar | editar a fonte]

  1. "Obituario en La Voz de Galicia". Arquivado dende o orixinal o 12 de marzo de 2016. Consultado o 25 de maio de 2008. 
  2. Resolución publicada no DOG do cesamento de Celso Montero como vicevaledor

Véxase tamén[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Celso_Montero&oldid=4891287"