Consellería de Turismo e Deportes

Na Galipedia, a Wikipedia en galego.
Saltar ata a navegación Saltar á procura

A Consellería de Turismo e Deportes foi unha antiga consellería da Xunta de Galicia que se encargou de tarefas relacionadas coa promoción turística de Galicia e coa xestión do deporte, e que estivo operativa na década dos oitenta. As súas competencias repartíronse posteriormente entre diversas consellerías.

Historia[editar | editar a fonte]

A consellería de Turismo e Deportes creouse no comezo da actividade da Xunta de Galicia, en 1982. As súas primeiras competencias integraban unicamente a promoción turística e a xestión deportiva, pero uns meses máis tarde engadiu na súa denominación a xestión das políticas dirixidas á mocidade. En 1986 as súas competencias repártense entre a consellería de Cultura e Benestar Social e a de consellería de Traballo, Industria e Turismo. Nunca máis volve ter entidade propia como consellería. Porén, a partir de 2009, e co goberno de Alberto Núñez Feijóo, todas esas competencias iniciais, agás a de Xuventude, foron reunidas baixo o paraugas da Consellería de Cultura e Turismo.

Conselleiro[editar | editar a fonte]

  • Ángel Villanueva Cendón (1982-1986). Ata 1983 como conselleiro de Turismo e Deportes, e a partir dese ano tamén como conselleiro de Turismo, Xuventude e Deportes.


Traído desde "https://gl.wikipedia.org/w/index.php?title=Consellería_de_Turismo_e_Deportes&oldid=4708940"