Cooperativa de vivenda

Na Galipedia, a Wikipedia en galego.
Saltar ata a navegación Saltar á procura

Unha cooperativa de vivenda é un tipo de cooperativa que ten como obxectivo proporcionarlles aos seus socios vivendas, locais e outros bens inmobles, adquirindo solo para construír e urbanizar. As cooperativas de vivendas, como sociedades promotoras de vivendas, é un dos mellores xeitos para acceder a unha vivenda de calidade.

É unha das figuras máis representativas da chamada economía social.

Cooperativa de vivenda en cesión de uso[editar | editar a fonte]

O modelo de cooperativa en cesión de uso é un sistema moi desenvolvido en Dinamarca e Uruguai.[1] No Estado Español as primeiras cooperativas foron no ano 2011 en Extremadura,[2] estendéndose despois a Barcelona e Madrid.[3] Aínda que cada cooperativa funciona do xeito que os seus membros decidan, as principais diferenzas da cesión de uso coa propiedade privada son:

  • As vivendas non poden ser nin vendidas nin alugadas,[4] tan só se pode transmitir o dereito a uso.
  • Págase un dereito de uso cuxo importe é moi inferior a un alugueiro ou a unha hipoteca. Este dereito inclúe a maioría de servizos como a auga, a calefacción, recollida de lixo…
  • Os edificios adoitan ter espazos comúns para todos os membros como lavandaría, sala de festas…
  • Disponse dun fondo monetario que pode ser utilizado para reformas das vivendas ou do edificio.
  • Pódense conseguir ofertas comunitarias para toda a comunidade a custos máis económicos.

As formas de crear estas cooperativas son varias. Pódense construír vivendas novas, comprar edificios xa construídos, rehabilitalos ou incluso converter edificios de propiedade ou alugueiro en cooperativa.

Na Galiza, na Coruña, a Cooperativa Outra Forma de Vivenda formula este modelo de cooperativa.[5]

Notas[editar | editar a fonte]

  1. "Cesión de uso". La Borda. Consultado o 15 de xaneiro de 2018. (en castelán)
  2. Axencia EFE (7 de marzo de 2011). "Cooperativa de vivienda para frenar la especulación llega a Extremadura". ABC (en castelán). Arquivado dende o orixinal o 12 de abril de 2013. 
  3. Ariadna Trillas (12 de novembro de 2018). "Ni comprar ni alquilar vivienda: usar y compartir". El Diario. Consultado o 15 de xaneiro de 2018. (en castelán)
  4. "Cooperativa de cesión de uso". Más que una casa. Arquivado dende o orixinal o 06 de xaneiro de 2018. Consultado o 15 de xaneiro de 2018. (en castelán)
  5. José Manuel Gutiérrez (3 de maio de 2017). ""La cooperativa de cesión de uso te libra de la esclavitud del sistema hipotecario"". La Opinión. Consultado o 15 de xaneiro de 2018. (en castelán)

Véxase tamén[editar | editar a fonte]

Ligazóns externas[editar | editar a fonte]


Este artigo tan só é un bosquexo
 Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.

Traído desde "https://gl.wikipedia.org/w/index.php?title=Cooperativa_de_vivenda&oldid=5302504"