Costa dos Esqueletos

Na Galipedia, a Wikipedia en galego.
Saltar ata a navegación Saltar á procura

Coordenadas: 21°36′44″S 14°32′24″L / -21.61222, -14.54000

Costa dos Esqueletos, imaxe desde un satélite da NASA.
Nótense as linguas de po do deserto arrastradas cara ao océano polo vento do leste.
Ondas na Costa dos Esqueletos.

A costa dos Esqueletos (en alemán Skelettküste, en inglés Skeleton Coast) é un treito da costa occidental de África que se localiza no norte de Namibia,[1] onde a chegada da corrente fría de Benguela produce densas néboas oceánicas durante a maior parte do ano, que constitúen a única fonte de humidade do ecosistema.

Natureza da costa[editar | editar a fonte]

Restos do Eduard Bohlen, que naufragou o 5 de setembro de 1909 na Costa dos Esqueletos.

A característica básica desta costa reside no feito de que o deserto do Namib chega até o océano Atlántico. Os ventos sopran desde o interior do continente cara ao mar, polo que cae moi pouca chuvia (as precipitacións raramente superan os 10 mm anuais), e o clima é sumamente inhóspito. Por outro lado, hai un constante e intenso oleaxe nas praias.

Nos días en que se usaban botes a remo era posíbel desembarcar atravesando a marea, pero imposíbel volver a levar áncoras. A única forma de saír do sitio era camiñar centos de quilómetros a través do árido deserto. Isto, e os numerosos restos de barcos naufragados que poden hacharse ao longo da costa, consecuencia da néboa, os ventos e o forte oleaxe (un dos últimos naufraxios ocorreu o 22 de marzo de 2018, cando un barco pesqueiro xaponés afundiu preto da baía de Durissa, ao sur da desembocadura do río Ugab, a uns 200 km de Walvis Bay, a 2 km das praias da Costa dos Esqueletos),[2] a gran cantidade de osos de baleas e de focas dispersos polas súas praias, deron a esta zona o seu macabro nome.

O relevo é xeralmente baixo, ocasionalmente interrompido por rochas emerxentes. A zona sur está formada por planicies de grava, mentres que ao norte de Terrace Bay a paisaxe está dominado por altas dunas.

A baía de Skeleton é agora coñecida como un excelente lugar para practicar o surf nas súas praias.[3]

Parque Nacional[editar | editar a fonte]

Namibia declarou unha zona de 16 000 km² como Parque Nacional, desde a desembocadura do río Ugab, no sur, até o río Cunene no norte. A parte norte do Parque está declarada como área intanxíbel. Entre os puntos destacábeis desta zona encóntranse os castelos de arxila dos Hoarisib, a montaña de Ágata (Agate Mountain), salinas, e unha gran colonia de pinnípedes no cabo Fria.

Colonia de focas no cabo Cross.

No Parque Natural non existen os grandes mamíferos, que fan célebres outras zonas da África. A vida animal esta composta, sobre todo, por aves mariñas, a colonia de focas do cabo Cross e inumerábeis especies de insectos, como os escaravellos tenebriónidos. Porén, hai tamén pequenas poboacións de órices e Antidorcas marsupialis (que raramente beben) e de leóns e hienas, de hábitos alimentarios necrófagos.

A vexetación, case inexistente debido á baixa humidade, está composta por diversas especies de arbustos halófilos e plantas herbáceas. Non existe ningunha árbore ao longo dos mais de mil quilómetros de costa. A principal atractivo biolóxico da Costa dos Esqueletos son os liques, que aparecen en grande abundancia e diversidade.

A costa foi obxecto de numerosos documentais sobre a vida salvaxe, en particular sobre a adaptación á aridez extrema, como un da National Geographic de 1965, "Survivors of the Skeleton Coast".[4]

Moitas das plantas (como a extremadamente lonxeva Welwitschia mirabilis) e insectos do sistema de dunas de area dependen da humidade das mestas niéboas marítimas que cobren a costa e dos detritos comestíbeis traídos desde o interior polo vento. A adaptación dos paxaros estudouse desde o punto de vista da súa capacidade de termorregulación, estratexias de cría, nomadismo e da súa adaptación cromática.

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Costa_dos_Esqueletos&oldid=5225954"