Cristóbal de Acuña
| Cristóbal de Acuña | |
|---|---|
| Nacemento | 1597 |
| Burgos | |
| Falecemento | 1670 |
| Lima | |
| Nacionalidade | España |
| Relixión | Igrexa católica |
| Ocupación | explorador e missionário |
| [ editar datos en Wikidata ] | |
Cristóbal de Acuña, nado en Burgos en 1597 e finado en Lima en 1675, foi un xesuíta español.
Traxectoria[editar | editar a fonte]
Entrou na Compañía de Xesús en 1612, e axiña foi enviado de misións a Chile e Perú, onde se converteu no rector do centro de formación de Cuenca (na actualidade, en Ecuador). En 1639 acompañou a Pedro Teixeira na súa segunda exploración do río Amazonas para levar a cabo observacións científicas, e facer un informe para o goberno do reino de España. A exploración levoulles dez meses, e ao chegaren a Perú, Acuña preparou o seu informe, mentre esperaba a partida dun buque cara a Europa. O rei de España, Filipe IV, recibiu friamente o autor, e mesmo se di[Cómpre referencia] que estaba disposto a censurar o libro, temendo que os portugueses, que se independizaran de España en 1640, se aproveitasen da información.
Logo de ser procurador dos xesuítas en Roma e censor ("calificador") da Inquisición española en Madrid, Acuña volveu a Sudamérica, onde finou, seguramente pouco despois de 1675.
A obra Nuevo Descubrimiento del Gran Río de las Amazonas foi publicada en Madrid en 1641. Foi traducida ao francés en 1682, e a partir desta versión verqueuse ao inglés en 1698.
Acuña foi o primeiro europeo en describir o canal Casiquiare (un canal natural que une o Amazonas co Orinoco) en 1639.
Véxase tamén[editar | editar a fonte]
Ligazóns externas[editar | editar a fonte]
- ACUNA, Christoval de: "Nuevo descubrimiento del gran río de las Amazonas". Arquivado dende o orixinal o 2012-12-18., 1641 (en castelán).
- "Cristobal de Acuna", artigo en www.virtualology.com (en inglés).
|
