David Wark Griffith

Na Galipedia, a Wikipedia en galego.
Saltar ata a navegación Saltar á procura
David Wark Griffith
David Wark Griffith 1916.jpg
Nome completoDavid Llewelyn Wark Griffith
Nacemento22 de xaneiro de 1875
 La Grange
Falecemento23 de xullo de 1948
 Hollywood
Causahemorraxia cerebral
SoterradoKentucky
NacionalidadeEstados Unidos de América
Ocupacióndirector de cine, actor, produtor de cine, guionista, montador e produtor executivo
CónxuxeLinda Arvidson
Coñecido/a porThe Birth of a Nation e Intolerância
PremiosPremios Óscar
editar datos en Wikidata ]

David Wark Griffith, nado en La Grange (Kentucky) o 22 de xaneiro de 1875 e finado en Hollywood (California) o 21 de xullo de 1948, foi un director cinematográfico estadounidense, considerado o creador do modelo americano de representación cinematográfica (ou montaxe invisible), polo que é coñecido como o «pai do cinema moderno». Realizou máis de 500 filmes e colaborou na creación de moitos outros.

Traxectoria[editar | editar a fonte]

De ascendencia irlandesa, foi educado baixo as influencias dominantes no Sur dos Estados Unidos, baixo a influencia dos extintos uns anos atrás Estados Confederados de América. Esta educación, con toda a carga de racismo que implicaba, influíu poderosamente na súa carreira.

The Adventures of Dollie (1908)

Quixo ser escritor, pero xa en 1897 fíxose actor afeccionado de teatro, chegando a ser profesional tres anos máis tarde. Estudou en varias escolas locais, e traballou como actor secundario e en compañías ambulantes. Dada a época e a popularidade do emerxente cinematógrafo, sobre todo entre os actores norteamericanos, fíxose actor de cine en 1908, traballando para a AM&B (American Mutoscope & Biograph). Nesa compañía chegou a ser director en New York e California, converténdose en produtor independiente en 1913.

En1915 fixo The Birth of a Nation, que acadou un éxito excepcional. Outro dos seus grandes filmes foi Intolerance (1916), un filme moi ambicioso para o seu tempo, que resultou ser un dos máis caros da historia do cine e dos máis influentes en futuros directores.

En 1919, xunto con Charles Chaplin, Douglas Fairbanks e Mary Pickford, os artistas máis cotizados do cine do momento, fundou a United Artists para producir películas de longa duración á marxe do control dos produtores e financeiros non creativos do cinema.

Griffith seguiu realizando películas durante a época do cine mudo, mais trala chegada do cine sonoro, só realizou dúas películas: Abraham Lincoln (1930) e The Struggle (1931).


Este artigo tan só é un bosquexo
 Este artigo sobre cinema é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.

Traído desde "https://gl.wikipedia.org/w/index.php?title=David_Wark_Griffith&oldid=4976444"