Führerbunker

Na Galipedia, a Wikipedia en galego.
Saltar ata a navegación Saltar á busca

Coordenadas: 52°30′45″N 13°22′53″L / 52.5125, 13.3815

Foto de xullo de 1947 da entrada posterior do Führerbunker no xardín da chancelería do Reich. Hitler e Eva Braun foron incinerados nun burato de proxectil fronte á saída de emerxencia á esquerda; a estrutura a xeito de cono no centro servía de escape e como refuxio de bombas para os gardas.

O Führerbunker ([ˈfyːrərˈbʊŋkɐ]) era un refuxio antiaéreo que se atopaba preto da chancelería do Reich en Berlín, Alemaña. Formou parte do complexo de búnker subterráneo construído en dúas fases en 1936 e 1944. Foi o derradeiro dos Cuarteis Xerais do Führer (Führerhauptquartiere) empregados por Adolf Hitler durante a segunda guerra mundial.

Hitler fixou a súa residencia no Führerbunker o 16 de xaneiro de 1945, e converteuse no centro do réxime nazi até a última semana da segunda guerra mundial en Europa. Hitler casou alí con Eva Braun a última semana de abril de 1945, pouco antes de que cometesen suicidio.

Despois da guerra, tanto o antigo como o novo edificio da chancelería foron derrubados polos soviéticos. O complexo subterráneo permaneceu imperturbable até 1988–89, malia algúns intentos de demolición. As seccións escavadas do antigo complexo de búnkeres foron destruídas na súa maioría durante a reconstrución desa zona de Berlín. O lugar permaneceu sen marcar até 2006, cando se instalou unha pequena placa cun diagrama esquemático. Algúns corredores do búnker aínda existen, pero están pechados ó público.

Véxase tamén[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Führerbunker&oldid=4923130"