Fagus

Na Galipedia, a Wikipedia en galego.
Saltar ata a navegación Saltar á procura

Faias (xénero Fagus)
faia común (Fagus sylvatica)
faia común (Fagus sylvatica)
Clasificación científica
Reino: Plantae
División: Magnoliophyta
Clase: Magnoliopsida
Orde: Fagales
Familia: Fagaceae
Xénero: Fagus
L.
Especies
Véxase no texto.
Sinonimia
  • Phegos St.-Lag. (1880).[1]

Fagus é un xénero con dez especies de árbores caducifolias da familia das fagáceas nativas das zonas temperadas de Europa, Asia e América do Norte chamadas comunmente faias. As formacións de faias denomínanse faiais[2]

En Galiza só atopamos unha especie, a faia europea, que soamente ocupa as serras orientais do país.

Descrición[editar | editar a fonte]

As follas son enteiras ou escasamente dentadas, de 5 a 15 cm de longo e de 4 a 10 cm de ancho, magras. A flor, é miúda e dun só sexo, polinizada polo vento (véxase anemofilia). Florea na primavera, un chisco despois de apareceren as follas. O froito, a noz de faia, é miúdo (de 10 a 15 mm de longo), contendo en pares, en cascas, e comestíbel, aínda que agre se está cru, cun alto contido de tanino; torrado ten un sabor que lembra ao das abelás.

Galiza[editar | editar a fonte]

En Galiza só aparece unha especie, a faia europea (Fagus sylvatica), mais é escasa quizais porque ten aquí o seu límite sur de distribución, quizais porque explotáronse antano para a fabricación dos remos, temóns e taboleiros exteriores para o fondo dos navíos da Armada Española, ao ter unha madeira que non podrece. Non obstante, a partir do século XVIII a maioría das faias utilizadas eran de Navarra e Biscaia. Tamén a madeira de faia utilizábase para fabricar os instrumentos de labor, carretas, toneis, cadeiras e caixas e, na actualidade, úsase en ebanistaría, carpintaría e fabricación de chans.[3].

Tamén se emprega en xardinaxe pola beleza do seu porte e mais da súa follaxe outoniza, atopando bos exemplares no Parque de Castrelos de Vigo.

Etimoloxía[editar | editar a fonte]

Faias de toros tortos á beira dunha canle.
Faia europea.

O nome galego de faia provén do nome latino e xenérico fagus, que á súa vez provén do grego phagos, “comer”, aludindo froitos nutritivos.

Especies[editar | editar a fonte]

  • Fagus crenata Bl. (sin. Fagus sieboldii Endl.) - faia xaponesa
  • Fagus engleriana
  • Fagus grandifolia Ehrh. - faia americana
    • Fagus grandifolia subsp. grandifolia
    • Fagus grandifolia subsp. mexicana
  • Fagus hayatae
  • Fagus japonica
  • Fagus longipetiolata
  • Fagus lucida
  • Fagus mexicana
  • Fagus orientalis - faia oriental
  • Fagus sylvatica L. - faia, faia común, faia europea
    • Fagus sylvatica tortuosa
    • Grupo de Fagus sylvatica 'Pendula' - faias choronas
    • Grupo de Fagus sylvatica 'Purpurea' - faias rubias ou púrpuras

Notas[editar | editar a fonte]

  1. "Fagus". Royal Botanic Gardens, Kew: World Checklist of Selected Plant Families. Consultado o 19 de marzo de 2010. 
  2. http://www.realacademiagalega.org/dicionario#searchNoun.do?nounTitle=faial
  3. http://www.vexetaciondegalicia.es/ar-fagus-sylvatica.html

Véxase tamén[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Fagus&oldid=4853994"