Feira

Na Galipedia, a Wikipedia en galego.
Saltar ata a navegación Saltar á procura
Venda de plantas e alimentos na feira de Pontevedra.

Unha feira é un acontecemento social, económico e cultural -establecido, temporáneo ou ambulante, periódico ou anual- que leva a cabo nunha sede e que chega a abarcar xeralmente un tema ou propósito común.

XXXIX Festa do viño tinto do Salnés, en Barrantes (Ribadumia).

Pode ter por obxectivo primordial a promoción da cultura, algunha causa ou estilo de vida, xeralmente nunha forma divertida e variada; máis comunmente o obxectivo é a estimulación comercial, pois ten a finalidade de lucro ou de xerar ganancias para as localidades anfitrioas, persoas ou organizacións patrocinadoras, e participantes hospitalarios, a cambio dun tempo grato que inclúe diversión e entretemento, participación en xogos de azar e de destreza, alimentos, manxares e lambetadas, obxectos, ou xoguetes etc., para os participantes visitantes e negociantes, xa sexan estes menores ou maiores de idade, dependendo do acontecemento, consignas, características, costumes locais e leis que rexen o lugar.

Orixes[editar | editar a fonte]

Orixinalmente a feira foi un fenómeno económico xurdido durante a idade media. Consistía nunha confluencia organizada de numerosos mercadores nunha localidade durante varios días e con periodicidade normalmente anual. En definitiva, un acontecemento que promove o comercio e a actividade económica, polo que foron fomentadas por reis e señores tanto laicos como relixiosos.

En Europa, no século XII e o século XIII, entre os anos 1150 e 1300, as feiras máis famosas foron a feira de Champagne, en Champaña, onde constituían un ciclo en que se celebraban as de Troyes, Provin, Bar-sur-Aube e Lagny. Na Península Ibérica, e entre outras, foi importante a de Medina del Campo e as vendellas de Sanlúcar de Barrameda.

Posteriormente, o termo feira foi evolucionando, designando desde exposicións de gando para a venda como calquera tipo de evento comercial, até as feiras taurinas. Actualmente o termo estendeuse desde a súa orixinal función comercial para incluír eventos festivos, con postos de venda de artigos variados e atraccións; estas últimas sitúanse a miúdo nos arredores da cidade.

As feiras hoxe en día[editar | editar a fonte]

Hoxe en día, dependendo da localidade nos países, o termo «feira» pode referirse, entre outros, a:

  • a) Un evento ou festividade rexional ou local.
  • b) Un parque de diversións e xogos mecánicos permanente.
  • c) Diversións e xogos mecánicos ambulantes.

A chegada dunha feira ambulante a unha localidade pode converterse nun evento anual ou recorrente, dependendo, xeralmente, do éxito previo desta.

As connotacións xeralmente desexadas e que acompañan frecuentemente a utilización do termo, son aquelas de prosperidade, variedade e alegría.

Outra variedade e de gran actualidade hoxe en días é a Feira Virtual, desde a cal podemos ver outra forma de realizar este tipo de eventos.

Feiras famosas no mundo[editar | editar a fonte]

Alemaña[editar | editar a fonte]

Arxentina[editar | editar a fonte]

  • Wine Tour Urbano "Wine Tour Urbano" realizada trimestralmente na cidade de Buenos Aires.

Estados Unidos[editar | editar a fonte]

  • Feira de minerais de Tucson, Tucson (Arizona)
  • Art Basel Miami Beach, Miami Beach. Feira de arte contemporánea.

Colombia[editar | editar a fonte]

  • Feira Internacional do Libro de Bogotá, Bogotá. Feira-exposición, celebrada en Corferias.
  • Feira Exposervicios, Bogotá. Feira de Servizos celebrada en Corferias.
  • Feira do Fogar, Bogotá. Feira do Fogar celebrada en Corferias.
  • Feira das Colonias, Bogotá. Feira das Colonias celebrada en Corferias.
  • Feira Agroexpo, Bogotá. Feira da Agricultura celebrada en Corferias.
  • Feira Expoartesanías, Bogotá. Feira de Artesanías celebrada en Corferias.
  • Feira do automóbil de Bogotá. Realizada en Corferias.
  • Feira da Gastronomía Realizada en Corferias, Os mellores Chef de America Latina, expoñen os seus mellores pratos.
  • Feira de Cali. Coñecida tamén como Feira da Cana, Feira da Rumba ou Feira da Salsa.
  • Feira de Manizales.

España[editar | editar a fonte]

  • Salón Capital Humano, Madrid
  • Feira do Libro de Sevilla, Sevilla.Feira do Libro celebrada en Sevilla.
  • Feira de Murcia.
  • Feira de setembro, Albacete.
  • Feira do barro, feira de outono, Marratxí
  • San Fermines Pamplona
XXI Salón do Automóbil de Vigo.

Galicia[editar | editar a fonte]

Andalucía[editar | editar a fonte]

En Andalucía, as feiras orixinais de orixe gandeira e relixiosa, ademais de certas celebracións máis recentes con motivación diversa (como as colombinas de Huelva dedicadas á relación con Iberoamérica), adoptaron nas últimas décadas (e aínda segue o proceso de innovación e cohesión) unha serie de elementos comúns, que fan das feiras andaluzas, un elemento fundamental da cultura andaluza actual.

Marcadores culturais máis relevantes destas feiras andaluzas son:

  • As grandes portadas, sobre todo nas cidades e nas feiras estraurbanas, aínda que tamén nalgunhas feiras urbanas (situadas dentro do centro urbano) de poboacións medias. é un elemento arquitectónico monumental e efémero que se adoita situar na entrada do recinto feiral ou das rúas habilitadas para a feira (no caso das feiras urbanas), en forma de gran porta decorada con estilos variables: arquitectura local, motivos florais e sobre todo lámpadas de cores rodeando a estrutura.
  • As casetas, de presumible orixe sevillano, foise estendendo ao resto de feiras da capital e de grandes cidades e en menor medida a outras feiras. Trátase de recintos efémeros teitados e con paredes de tea, decorados de forma tradicional con elementos mobiliarios e decoracións florais andaluzas, faroliños etc. Nalgunhas feiras decóranse as portadas de devanditas casetas de forma especialmente coidada, chegándose a facer concursos como na Feira do Cabalo xerezana, onde se valora, tanto a portada como a decoración interior da caseta.
  • Os chiringuitos, establecementos, case sempre de natureza tamén efémera, onde se venden alimentos e bebidas. Neles adóitase ofrecer pratos típicos da gastronomía andaluza, tapas e bebidas ou mesturas tradicionais, como a manzanilla ou o rebujito, ademais dalgúns pratos e bebidas mais convencionais.
  • A presenza abundante en boa parte das feiras do cabalo andaluz, xa sexa en concursos morfolóxicos, tradicionais feiras de gando ou a propia presenza de cabaleiros no recinto feiral.
  • A presenza de mulleres vestidas de flamenca en moitas das feiras.
  • A presenza de música andaluza de todo tipo, desde as omnipresentes sevillanas, ao pop aflamencado andaluz.
  • A frecuente existencia dunha zona reservada ás atraccións feirais habituais, usualmente separadas do resto da feira urbana ou nunha zona diferente do recinto feiral.

Algunhas das feiras andaluzas máis importantes son:

México[editar | editar a fonte]

  • Feira Internacional do Libro, Guadalaxara, Xalisco. Feira-exposición.
  • Feira de Texcoco, Texcoco. Exposición gandeira.
  • Feira Nacional de San Marcos, *Aguascalientes. Feira de San Marcos.

Suíza[editar | editar a fonte]

  • Baselworld, Basilea. Feira de reloxaría e bixutería.
  • Art Basel, Basilea. Feira de arte contemporánea.

Venezuela[editar | editar a fonte]

  • Feira da Chinita, Maracaibo, Estado de Zulia.
  • Feira do sol, Mérida. Feira andina.
  • Feira Internacional de San Sebastián, San Cristóbal. Feira andina.
  • Feira Internacional de Barquisimeto

Elementos nunha feira[editar | editar a fonte]

Dependendo de moitos factores determinantes, desde o propósito da feira en se, a súa natureza, a audiencia, e os costumes locais, até o tamaño da sede, tipo de patrocinio e a extravagancia mesma, a feira pode incluír algúns dos seguintes elementos:

Actividades[editar | editar a fonte]

Entre as actividades pódense presentar:

  • Talleres educativos, clases e ensinos varios.
  • Concursos, rifas, lotaría, tómbolas e xogos diversos.
  • Dardos, globos e dardos.
  • Tiro ao branco.
  • Bailes.

Entretemento[editar | editar a fonte]

Entre o entretemento pódese brindar:

  • Música folclórica, música típica e música rexional.
  • Danza contemporánea, Danzas rexionais e danzas folclóricas.
  • Obras ou presentacións teatrais ou artísticas.
  • Pallasos, Globos, figuras de animais feitas con globos e outras Artes circenses.
  • Fogos artificiais, pirotecnia ou xogos pirotécnicos.

Vestimenta[editar | editar a fonte]

A indumentaria pode incluír:

  • Vestimentas folclóricas e vestimenta típica.
  • Disfraces, traxes de distinta época, máscaras e antefaces.

Comida[editar | editar a fonte]

Entre os alimentos pódese ofrecer:

Produtos[editar | editar a fonte]

Algúns produtos que poden venderse son:

Atraccións electro-mecánicas[editar | editar a fonte]

Entre as diversas atraccións, tamén chamadas barracas, pódense atopar:

Traído desde "https://gl.wikipedia.org/w/index.php?title=Feira&oldid=5228719"