Fernando Fernán Gómez

Na Galipedia, a Wikipedia en galego.
Saltar ata a navegación Saltar á procura
Fernando Fernán Gómez
Fernando Fernán Gómez.jpg
Fernando Fernán Gómez posando co Oso de Ouro do Festival de Berlín
Nome completoFernando Fernández Gómez
Nacemento28 de agosto de 1921
LugarLima, Flag of Peru (state).svg Perú
Falecemento21 de novembro de 2007
LugarMadrid, España España
CausaPneumonía
NacionalidadeEspaña
Cónxuxe(s)María Dolores Pradera (1947-1959)
Emma Cohen (2000-2007)
FillosHelena Fernán Gómez Fernando Fernán Gómez, fillo
Profesiónactor, escritor, guionista
editar datos en Wikidata ]

Fernando Fernán Gómez, nado en Lima (Perú), o 28 de agosto de 1921 e finado en Madrid o 21 de novembro de 2007, foi un escritor, actor, guionista, director de cine e de teatro español. Foi membro da Real Academia Española, da que ocupou a cadeira B.

Biografía[editar | editar a fonte]

Malia que a súa partida de nacemento indica que o fixo en Buenos Aires, segundo el mesmo comenta nas súas memorias[1] o máis probable é que nacese en Lima. A razón é que súa nai, a actriz de teatro Carola Fernán Gómez, estaba de xira por Sudamérica, e se ben naceu en Lima, a súa partida de nacemento foi expedida días despois na Arxentina. Conservou esa nacionalidade ata que lle foi outorgada a española en 1984. Fillo extramarital, seu pai foi o tamén actor Luis Fernando Díaz de Mendoza y Guerrero, fillo de María Guerrero, que impediu o matrimonio entre os pais de Fernando Fernán-Gómez.[2]

Tras algún traballo escolar como actor, estudou Filosofía e Letras na Madrid, pero a súa verdadeira vocación levouno ó teatro. Durante a guerra civil recibiu clases na Escola de Actores da CNT, debutando como profesional en 1938 na compañía de Laura Pinillos. Alí descubriuno Enrique Jardiel Poncela, que lle deu a súa primeira oportunidade ó ofrecerlle en 1940 un papel como actor secundario na súa obra Los ladrones somos gente honrada. Tres anos despois contratouno a produtora cinematográfica Cifesa, irrompendo así no cine coa película Cristina Guzmán, dirixida por Gonzalo Delgrás. Ó ano seguinte ofrecéronlle o seu primeiro papel protagonista en Empezó en boda, de Raffaello Matarazzo. Malia a incursión no cine, non descoidou a súa vocación de autor de teatro e director de escena, e foi escritor e guionista asiduo da tertulia do Café Gijón.

A partir de 1984 dedicou a súa cada vez máis intensa vocación literaria á escritura de artigos moi persoais en Diario 16 e no suplemento dominical de El País, producindo ademais varios volumes de ensaios e once novelas, fortemente autobiográficas unhas e históricas outras. Foi un grande éxito a súa autobiografía en dous volumes, El tiempo amarillo, da que hai dúas edicións, a segunda algo máis ampliada. Pero o seu éxito máis clamoroso obtívoo cunha peza teatral prontamente levada ó cine, Las bicicletas son para el verano, sobre os seus recordos infantiles da guerra civil.

En 1947 casou coa cantante María Dolores Pradera, divorciándose en 1959, coa que tivo unha filla, a actriz Helena Fernán Gómez, e un fillo, Fernando, relacionado tamén co mundo da cultura. Voveu casar en 2000 coa actriz Emma Cohen, coa que mantiña unha relación desde os anos 70 tras participar nun episodio dunha serie de TVE onde Emma era protagonista (Tres eran tres, 1973) xunto a Lola Gaos.

Da súa man entrou o cine na Real Academia Española, da que foi elixido membro en 1998[3] e tomou posesión da cadeira B o 30 de xaneiro de 2000. Foi galardoado co Premio Príncipe de Asturias das Artes en 1995. Polifacético, querido e respectado polos profesionais da industria e por varias xeracións de espectadores, encontrou a popularidade como actor case ó principio da súa carreira cinematográfica co clásico da comedia negra Domingo de carnaval (do célebre realizador Edgar Neville), que protagonizou xunto a Conchita Montes en 1945. Dous anos antes aparecera como secundario noutro notable título do cine español dos cuarenta con Cristina Guzmán. Ese mesmo ano acompañou á xa consagrada Imperio Argentina e ó recordado galán Alfredo Mayo na exótica comedia Bambú e participou tamén nun pequeno clásico da comedia fantástica con El destino se disculpa, de José Luis Sáenz de Heredia, seguindo o estilo do subxénero norteamericano en voga durante eses anos (como I Married a Witch, de René Clair, ou A Guy Named Joe, de Victor Fleming). A partir de entón encadeou títulos de éxito considerados pola crítica actual como indispensables, traballando con Gonzalo Delgrás (Los habitantes de la casa deshabitada), Carlos Serrano de Osma (Embrujo, xunto a Lola Flores e Manolo Caracol), Sáenz de Heredia (La mies es mucha, Los ojos dejan huellas), Ramón Torrado (Botón de ancla), José Antonio Nieves Conde (Balarrasa, El inquilino), ou Luis Marquina (El capitán Veneno). Naquela época tamén traballou en Barcelona como actor de dobraxe.

Na década de 1950 consolidouse como actor principal en toda serie de comedias (El fenómeno), dramas (La gran mentira) e cine relixioso Balarrasa, Molokai, ou folclórico (Morena clara) propagandísticos ou directamente escapistas (o que en moitos sentidos tamén é considerado propaganda polos historiadores), ó tempo que interviña nunha das primeiras avanzadas do que posteriormente sería o «Novo cine español»: Esa pareja feliz de Bardem e Berlanga. Tamén participou nalgunhas co-producións de interese como La conciencia acusa (do xenial Georg Wilhelm Pabst) o Lo scapolo (de Antonio Pietrangeli) xunto a Alberto Sordi, e por último, inicia unha incipiente carreira como director, con obras de encargo de desigual fortuna: neste sentido, sobresae a súa versión da novela de Wenceslao Fernández Flórez El malvado Carabel e dúas excelentes comedias nas que compartiu química e cartel coa deliciosa Analía Gadé, unha das súas parellas artísticas máis recorrentes, como son La vida por delante e La vida alrededor.

Ó fío do cine español dos sesenta, a súa filmografía como actor e director encheuse de comedias de todo tipo (La venganza de Don Mendo, Adiós, Mimí Pompón, Ninette y un señor de Murcia ou Crimen imperfecto), excepción á parte dos seus traballos de dirección en El mundo sigue (1963), un durísimo drama naturalista, inspirado na novela homónima de Juan Antonio Zunzunegui, onde se enfrontan dúas irmás de concepcións vitais opostas en plena sociedade de posguerra española. Ese foi o seu primeiro éxito como director. A outra película que dirixiu daquela foi El extraño viaje (1964), onde retrata, case con maior profundidade que o propio Berlanga, o clima cicateiro e opresivo da sociedade española do franquismo. A obra permanece como un dos cumios do cine español de tódolos tempos.
Ambas producións tiveron tremendos encontronazos coa censura. Por outra parte, é entón cando inicia relación profesional con outra das súas parellas máis emblemáticas, Concha Velasco, coa comedia negra Crimen para recién casados.

Nos setenta Fernán Gómez convertiuse nun dos actores máis solicitados da chamada transición española, con títulos dorados como El espíritu de la colmena, El amor del capitán Brando, Pim, pam, pum, fuego, Mi hija Hildegart, Los restos del naufragio, Mamá cumple cien años ou ¡Arriba Azaña!. Iniciou así unha exitosa colaboración xunto ó notable director Jaime de Armiñán, e unha tamén estreita relación profesional con Carlos Saura, gañándose así un xusto prestixio como actor e director, ademais do recoñecemento pola súa xa longa traxectoria. En 1976 interviu nun título de indubidable valor, se ben non tivo éxito entre o gran público, como El anacoreta, premiada no Festival de cine de Berlín. Tamén dirixiu e interpretou dúas exitosas series para TVE (Juan soldado e sobre todo El pícaro) que si triunfan entre o gran público.
Trala morte de Franco e a legalización da CNT, tivo unha militancia activa no Sindicato de Espéctaculos de Barcelona.

En 1981 protagonizou o memorable Maravillas de Gutiérrez Aragón, e comezou a encadear éxitos de crítica e público (La colmena, Stico, Los zancos, Réquiem por un campesino español, La corte del faraón, La mitad del cielo e El viaje a ninguna parte). Termina a década con excelentes traballos en películas non moi ben acollidas pero de calidade: Esquilache e El río que nos lleva. En 1986 rodou na Arxentina Pobre mariposa, de Raúl de la Torre, xunto a un elenco internacional con Bibi Andersson, Vittorio Gassman, Fernando Rey e Graciela Borges. Nesta década está moi activo nos seus traballos para TVE (Ramón y Cajal, Fortunata y Jacinta, Las pícaras ou Cuentos imposibles).

A década dos 90 presencia o inicio dun período de menor actividade profesional derivada dalgúns problemas de saúde e, seguramente, de falta de papeis de envergadura para un actor como el. Agás Belle Époque e o Oscar á mellor película estranxeira que consegue a cinta, non é ata 1998 cando volve aparecer en obras tan distintas como importantes (cada unha ó seu xeito) como son El abuelo (nomeada ó Oscar e de gran éxito de taquilla) e Pepe Guindo (homenaxe-ficción ó gran actor por parte dun director infravalorado pero nada mediocre como Manuel Iborra). Entre medias, estivo varias tempadas na serie de TV Los ladrones van a la oficina, que o devolvería a popularidad xunto a grandes nomes da interpretación como Agustín González, Manuel Alexandre ou José Luis López Vázquez. Despois recupera folgos con tres grandes películas (Todo sobre mi madre, Plenilunio e o éxito popular A lingua das bolboretas).

Máis recentemente rodou a incomprendida Visionarios, de Gutiérrez Aragón, El embrujo de Shangai, con Fernando Trueba, Para que no me olvides, e a súa última gran interpretación, en En la ciudad sin límites, de Antonio Hernández.

Marisa Paredes, presidenta da Academia das Artes e as Ciencias Cinematográficas de España, na entrega da décima Medalla de Ouro, describiuno á perfección: «Por anarquista, por poeta, por cómico, por articulista, por académico, por novelista, por dramaturgo, por único y por consecuente».[4]

O 19 de novembro de 2007 foi ingresado na área de Oncoloxía do madrileño Hospital Universitario La Paz para ser tratado dunha pneumonía. Faleceu en Madrid, o 21 de novembro de 2007, con 86 anos de idade.[5] Tras anuncialo o presidente do Executivo, José Luis Rodríguez Zapatero na capela ardente do actor, o Goberno de España concedeulle o día 23 de novembro, a título póstumo, a Gran Cruz da Orde Civil de Alfonso X o Sabio.[6] Tamén o alcalde de Madrid Alberto Ruiz-Gallardón anunciou que como homenaxe o Centro Cultural da Vila de Madrid pasaría a chamarse Teatro Fernando Fernán Gómez.[7] Na capela ardente o seu féretro foi recuberto cunha bandeira negrivermella anarquista, sendo posteriormente incinerado.

Obra literaria[editar | editar a fonte]

Novela[editar | editar a fonte]

  • El vendedor de naranjas. Madrid, Tebas, 1961; Madrid, Espasa-Calpe, 1986.
  • El viaje a ninguna parte. Madrid, Debate, 1985.
  • El mal amor. Barcelona, Planeta, 1987; novela histórica.
  • El mar y el tiempo. Barcelona, Planeta, 1988.
  • El ascensor de los borrachos. Madrid, Espasa-Calpe, 1993.
  • La Puerta del Sol. Madrid, Espasa-Calpe, 1995.
  • ¡Stop! novela de amor. Madrid, Espasa-Calpe, 1997.
  • La cruz y el lirio dorado. Madrid, Espasa-Calpe, 1998; novela histórica.
  • Oro y hambre. Barcelona, Muchnik, 1999, novela histórica.
  • Capa y espada. Madrid, Espasa-Calpe, 2001; novela histórica.
  • El tiempo de los trenes. Madrid, Espasa-Calpe, 2004.

Teatro[editar | editar a fonte]

  • Pareja para la eternidad. Madrid, Acanto, 1947.
  • Las bicicletas son para el verano. Madrid, Espasa-Calpe, 1984.
  • La coartada. Los domingos, bacanal. Madrid, Espasa-Calpe, 1985; Madrid, Antonio Machado, 1987.
  • Lazarillo de Tormes. Adaptación. Valladolid, Castilla Eds., 1994.
  • Marido y medio. Comedia estreada o 7 de xuño de 1959 no Teatro Gran Vía de Madrid, inédita.
  • Del Rey Ordás y su infamia. Comedia estreada o 22 de agosto de 1983 no Teatro Palacio del Progreso de Madrid, inédita.
  • Ojos de bosque. Comedia estreada o 9 de xullo de 1986 na Praza da Almudena de Madrid, dentro da programación de «Los veranos de la Villa», inédita.
  • El Pícaro. Aventuras y desventuras de Lucas Maraña. Estrenada no Teatro Central Hispano de Sevilla o 8 de setembro de 1992, inédita.
  • Los invasores del palacio. Madrid, Fundación Autor, 2000.
  • Defensa de Sancho Panza. Estreada no XXV Festival Internacional de Teatro Clásico de Almagro o 19 de xullo de 2002, inédita.
  • Morir cuerdo y vivir loco. Estreada no Teatro Principal de Zaragoza o 13 de xaneiro de 2004, inédita.

Memorias[editar | editar a fonte]

  • Diario de Cinecittà. Revista Internacional del Cine, núm. 6, novembro de 1952; núm. 7, decembro de 1952.
  • El olvido y la memoria. Autobiografía de Fernando Fernán Gómez. Triunfo, núm. 3, 6ª época, xaneiro de 1981.
  • El tiempo amarillo. Memorias. I (1921–1943) y II (1943–1987). Madrid, Debate, 1990.
  • El tiempo amarillo: memorias ampliadas (1921–1997). Madrid, Debate, 1998.

Poesía[editar | editar a fonte]

  • A Roma por algo. Madrid, Separata de Poesía Española (1954); Madrid, Fernán Gómez Arte y Ediciones, 1982.
  • El canto es vuelo, 2002 (poesía completa).

Artigos e ensaios[editar | editar a fonte]

  • El actor y los demás. Barcelona, Laia, 1987.
  • Impresiones y depresiones. Barcelona, Planeta, 1987.
  • Historias de la picaresca. Barcelona, Planeta, 1989.
  • El arte de desear. Madrid, Temas de Hoy, 1992.
  • Imagen de Madrid. Madrid, El País-Aguilar, 1992.
  • Tejados de Madrid. Madrid, Telefónica de España, 1992.
  • Desde la última fila: cien años de cine. Madrid, Espasa-Calpe, 1995.
  • Nosotros, los mayores, 1999.
  • Puro teatro y algo más, 2002.

Literatura infantil[editar | editar a fonte]

  • Los ladrones. Madrid, Anaya, 1986.
  • Retal. Madrid, Anaya, 1988.

Varios[editar | editar a fonte]

  • Mi querido general, 1986 (guión de cine).
  • La escena, la calle y las nubes, 1999 (relatos).
  • Historias de la picaresca, 1989.
  • La intrusa, 1986 (guión de TV sobre un conto de Jorge Luis Borges).
  • Fuera de juego, 1991 (guión de cine).
  • Las anécdotas del teatro: ¡aquí sale hasta el apuntador!, 1997.
  • Conversaciones con Fernando Fernán Gómez, (libro-entrevista a cargo de Enrique Brasó), Madrid, Espasa-Calpé, 2002.

Filmografía como director[editar | editar a fonte]

Cine[editar | editar a fonte]

  • Manicomio (1954)
  • El mensaje (1955)
  • El malvado Carabel (1956)
  • La vida por delante (1958)
  • La vida alrededor (1959)
  • Sólo para hombres (1960)
  • La venganza de Don Mendo (1961)
  • Y el mundo sigue (1963)
  • Los palomos (1964)
  • El extraño viaje (1964)
  • Ninette y un señor de Murcia (1965)
  • Mayores con reparos (1966)
  • Crimen imperfecto (1970)
  • Cómo casarse en 7 días (1971)
  • Yo la vi primero (1974)
  • La querida (1976)
  • Bruja, más que bruja (1976)
  • Mi hija Hildegart (1977)
  • Cinco tenedores (1979)
  • Mambrú se fue a la guerra (1986)
  • El viaje a ninguna parte (1986)
  • El mar y el tiempo (1989)
  • Fuera de juego (1991)
  • Siete mil días juntos (1994)
  • Pesadilla para un rico (1997)
  • A Porta do Sol (1998)
  • Lázaro de Tormes (2001)

Televisión[editar | editar a fonte]

  • Juan soldado (1973)
  • El pícaro (serie) (1974)
  • Fortunata y Jacinta (serie) (1980)
  • La mujer de tu vida 2: Las mujeres de mi vida (1992)

Filmografía como actor[editar | editar a fonte]

Cine[editar | editar a fonte]

  • Rosas de otoño (Juan de Orduña, Eduardo Morera, 1943)
  • Se vende un palacio (Ladislao Vajda, 1943)
  • Turbante blanco (Ignacio F. Iquino, 1943)
  • Viviendo al revés (Ignacio F. Iquino, 1943)
  • Cristina Guzmán (Gonzalo Delgrás, 1943)
  • Noche fantástica (Luis Marquina, 1943)
  • La chica del gato (Ramón Quadreny, 1943)
  • Empezó en boda (Raffaello Matarazzo, 1944)
  • Una chica de opereta (Ramón Quadreny, 1944)
  • Mi enemigo y yo (Ramón Quadreny, 1944)
  • Eres un caso (Ramón Quadreny, 1945)
  • Espronceda (Fernando Alonso Casares, 1945)
  • Se le fue el novio (Julio Salvador, 1945)
  • El destino se disculpa (José Luis Sáenz de Heredia, 1945)
  • El camino de Babel (Jerónimo Mihura, 1945)
  • Bambú (José Luis Sáenz de Heredia, 1945)
  • Domingo de carnaval (Edgar Neville, 1945)
  • La próxima vez que vivamos (Enrique Gómez, 1946)
  • Los habitantes de la casa deshabitada (Gonzalo Delgrás, 1946)
  • Es peligroso asomarse al exterior (Alejandro Ulloa, Arthur Duarte, 1946)
  • Noche sin cielo (Ignacio F. Iquino, 1947)
  • La muralla feliz (Enrique Herreros, 1947)
  • La sirena negra (Carlos Serrano de Osma, 1947)
  • Embrujo (Carlos Serrano de Osma, 1947)
  • Hoy no pasamos lista (Raúl Alfonso, Rafael Alonso, 1948)
  • Pototo, Boliche y compañía (Ramón Barreiro, 1948)
  • Encrucijada (Pedro Lazaga, 1948)
  • La mies es mucha (José Luis Sáenz de Heredia, 1948)
  • Botón de ancla (Ramón Torrado, 1948)
  • Vida en sombras (Lorenzo Llobet Gracia, 1948)
  • Noventa minutos (Antonio del Amo, 1949)
  • Alas de juventud (Antonio del Amo, 1949)
  • Facultad de letras (Pío Ballesteros, 1950)
  • Tiempos felices (Enrique Gómez, 1950)
  • El último caballo (Edgar Neville, 1950)
  • La noche del sábado (Rafael Gil, 1950)
  • Balarrasa (José Antonio Nieves Conde, 1951)
  • La trinca del aire (Ramón Torrado, 1951)
  • El capitán Veneno (Luis Marquina, 1951)
  • Cincuenta años del Real Madrid (Rafael Gil, 1952)
  • El sistema Pelegrín (Ignacio F. Iquino, 1952)
  • Me quiero casar contigo (Jerónimo Mihura, 1952)
  • Los ojos dejan huellas (José Luis Sáenz de Heredia, 1952)
  • La conciencia acusa (Georg Wilhelm Pabst, 1953)
  • Esa pareja feliz (Juan Antonio Bardem, Luis García Berlanga, 1953)
  • Aeropuerto (Luis Lucia Mingarro, 1953)
  • Nadie lo sabrá (Ramón Torrado, 1953)
  • Manicomio (Fernando Fernán Gómez, Luis María Delgado, 1954)
  • Rebeldía (José Antonio Nieves Conde, 1954)
  • Morena Clara (Luis Lucia Mingarro, 1954)
  • La otra vida del capitán Contreras (Rafael Gil, 1955)
  • El guardián del paraíso (Arturo Ruiz Castillo, 1955)
  • Congreso en Sevilla (Antonio Román, 1955)
  • El mensaje (1955)
  • Lo scapolo (El soltero, Antonio Pietrangeli, 1955)
  • La gran mentira (Rafael Gil, 1956)
  • El fenómeno (José María Elorrieta, 1956)
  • El malvado Carabel (1956)
  • Viaje de novios (León Klimovsky, 1956)
  • El inquilino (José Antonio Nieves Conde, 1957)
  • Las muchachas de azul (Pedro Lazaga, 1957)
  • Faustina (José Luis Sáenz de Heredia, 1957)
  • Un marido de ida y vuelta (Luis Lucia Mingarro, 1957)
  • Los ángeles del volante (Ignacio F. Iquino, 1957)
  • La vida por delante (Fernando Fernán Gómez, José Luis de la Torre, 1958)
  • Ana dice sí (Pedro Lazaga, 1958)
  • La vida alrededor (1959)
  • Luna de verano (Pedro Lazaga, 1959)
  • Soledad (Mario Craveri, Enrico Gras, Félix Acaso, 1959)
  • Bombas para la paz (Antonio Román, 1959)
  • La ironía del dinero (Edgar Neville, Guy Lefranc, 1959)
  • Sólo para hombres (1960)
  • La vida privada de Fulano de Tal (José María Forn, 1960)
  • Crimen para recién casados (Pedro Luis Ramírez, 1960)
  • Les Trois etc. du Colonel (Los tres etc. del coronel, Claude Boissol, 1960)
  • La venganza de Don Mendo (1961)
  • Adiós, Mimí Pompón (Luis Marquina, 1961)
  • Fantasmas en la casa (Pedro Luis Ramírez, 1961)
  • ¿Dónde pongo este muerto? (Pedro Luis Ramírez, 1962)
  • Benigno, hermano mío (Arturo González hijo, 1963)
  • Rififí en la ciudad (Jesús Franco, 1963)
  • La becerrada (José María Forqué, 1963)
  • Un vampiro para dos (Pedro Lazaga, 1965)
  • El mundo sigue (1965)
  • Ninette y un señor de Murcia (1965)
  • La mujer de tu prójimo (Enrique Carreras, 1966)
  • Mayores con reparos (1966)
  • La vil seducción (José María Forqué, 1968)
  • ¿Por qué pecamos a los cuarenta? (Pedro Lazaga, 1969)
  • Las panteras se comen a los ricos (Ramón Fernández, 1969)
  • Carola de día, Carola de noche (Jaime de Armiñán, 1969)
  • Un adulterio decente (Rafael Gil, 1969)
  • Estudio amueblado 2.P. (José María Forqué, 1969)
  • El triangulito (José María Forqué, 1970)
  • De profesión, sus labores (Javier Aguirre, 1970)
  • Crimen imperfecto (1970)
  • Pierna creciente, falda menguante (Javier Aguirre, 1970)
  • Cómo casarse en 7 días (1971)
  • Las Ibéricas F.C. (Pedro Masó, 1971)
  • Los gallos de la madrugada (José Luis Sáenz de Heredia, 1971)
  • Vera, un cuento cruel (Josefina Molina, 1973)
  • Don Quijote cabalga de nuevo (Roberto Gavaldón, 1973)
  • La leyenda del alcalde de Zalamea (Mario Camus, 1973)
  • Ana y los lobos (Carlos Saura, 1973)
  • El espíritu de la colmena (Víctor Erice, 1973)
  • Yo la vi primero (1974)
  • El amor del capitán Brando (Jaime de Armiñán, 1974)
  • Sensualidad (Germán Lorente, 1975)
  • Pim, pam, pum... ¡fuego! (Pedro Olea, 1975)
  • Yo soy Fulana de Tal (Pedro Lazaga, 1975)
  • Jó, papá (Jaime de Armiñán, 1975)
  • La querida (1976)
  • El anacoreta (Juan Estelrich, 1976)
  • Bruja, más que bruja (1976)
  • Gulliver (Alfonso Ungría, 1976)
  • Las cuatro novias de Augusto Pérez (José Jara, 1976)
  • Imposible para una solterona (Rafael Romero Marchent, 1976)
  • Reina Zanahoria (Gonzalo Suárez, 1977)
  • La ragazza dal pigiama giallo (La chica del pijama amarillo, Flavio Mogherini, 1977)
  • Más fina que las gallinas (Jesús Yagüe, 1977)
  • Parranda (Gonzalo Suárez, 1977)
  • Chely (Ramón Fernández, 1977)
  • Los restos del naufragio (Ricardo Franco, 1978)
  • Arriba Hazaña (José María Gutiérrez Santos, 1978)
  • Madrid al desnudo (Jacinto Molina, 1979)
  • Milagro en el circo (Alejandro Galindo, 1979)
  • Mamá cumple cien años (Carlos Saura, 1979)
  • Yo qué sé (Emma Cohen, 1980)
  • Maravillas (Manuel Gutiérrez Aragón, 1981)
  • 127 millones libres de impuestos (Pedro Masó, 1981)
  • Apaga... y vámonos (Antonio Hernández, 1982)
  • Copia cero (Eduardo Campoy, 1982)
  • Bésame, tonta (Fernando González de Canales, 1982)
  • Soldados de plomo (José Sacristán, 1983)
  • Interior roig (Interior rojo, Eugenio Anglada, 1983)
  • La colmena (Mario Camus, 1983)
  • Juana la loca... de vez en cuando (José Ramón Larraz, 1983)
  • Stico (Jaime de Armiñán, 1984)
  • Feroz (Manuel Gutiérrez Aragón, 1984)
  • Los Zancos (Carlos Saura, 1984)
  • La noche más hermosa (Manuel Gutiérrez Aragón, 1984)
  • De hombre a hombre (Ramón Fernández, 1985)
  • Luces de bohemia (Miguel Ángel Díez, 1985)
  • Réquiem por un campesino español (Francisco Betriú, 1985)
  • La corte de Faraón (José Luis García Sánchez, 1985)
  • Marbella, un golpe de cinco estrellas (Miguel Hermoso, 1985)
  • La mitad del cielo (Manuel Gutiérrez Aragón, 1986)
  • Pobre mariposa (Raúl de la Torre, 1986)
  • Mambrú se fue a la guerra (1986)
  • El viaje a ninguna parte (1986)
  • Delirios de amor (Antonio González Vigil, Luis Eduardo Aute, Cristina Andreu, Félix Rotaeta, 1986)
  • El gran Serafín (José María Ulloque, 1987)
  • Cara de acelga (José Sacristán, 1987)
  • Mi general (Jaime de Armiñán, 1987)
  • Moros y Cristianos (Luis García Berlanga, 1987)
  • Esquilache (Josefina Molina, Joaquín Molina, 1987)
  • El mar y el tiempo (1989)
  • El río que nos lleva (Antonio del Real, 1989)
  • Fuera de juego (1991)
  • El rey pasmado (Imanol Uribe, 1991)
  • Marcellino (Marcelino, pan y vino, Luigi Comencini, 1991)
  • Chechu y familia (Álvaro Sáenz de Heredia, 1992)
  • Belle Époque (Fernando Trueba, 1992)
  • Cartas desde Huesca (Antonio Artero, 1993)
  • Así en el cielo como en la tierra (José Luis Cuerda, 1995)
  • Pintadas (Juan Estelrich junior, 1996)
  • Pesadilla para un rico (1996)
  • Tranvía a la Malvarrosa (José Luis García Sánchez, 1996)
  • La hermana (Juan José Porto, 1997)
  • El sueño de los héroes (Sergio Renán, 1997)
  • Pepe Guindo (Manuel Iborra, 1998)
  • El abuelo (José Luis Garci, 1998)
  • Todo sobre mi madre (Pedro Almodóvar, 1999)
  • Plenilunio (Imanol Uribe, 1999)
  • A lingua das bolboretas (José Luis Cuerda, 1999)
  • Voz (Javier Aguirre, 2000)
  • Visionarios (Manuel Gutiérrez Aragón, 2001)
  • El embrujo de Shanghai (Fernando Trueba, 2002)
  • En la ciudad sin límites (Antonio Hernández, 2002)
  • Bibliofrenia (Marcos Moreno, 2003)
  • ¡Hay motivo! (Varios, 2004) – voz en el epílogo
  • Tiovivo c. 1950 (José Luis Garci, 2004)
  • Para que non me esquezas (Patricia Ferreira, 2005)
  • La silla de Fernando (David Trueba y Luis Alegre, 2006)
  • Mia Sarah (Gustavo Ron, 2006)

Televisión[editar | editar a fonte]

  • Fábulas (1968) (serie)
  • El alcalde de Zalamea (episodio de Estudio 1) (1968)
  • Del dicho al hecho (serie) (1971)
  • Juan soldado (1973)
  • El pícaro (mini-serie) (1974)
  • Memorias del cine español (episodio) (1978)
  • Fortunata y Jacinta (mini-serie) (1980)
  • El alcalde de Zalamea (episodio de Teatro Estudio) (1981)
  • Ramón y Cajal (serie) (1982)
  • Los desastres de la guerra (mini-serie) (1983)
  • Las pícaras (episodio) (1983)
  • El jardín de Venus (Serie) (1983)
  • Nuevo amanecer (episodio de Cuentos imposibles) (1984)
  • La noche del cine español (2 episodios) (19851986)
  • Juncal (mini-serie) (1987)
  • La mujer de tu vida: La mujer perdida (1988)
  • La mujer de tu vida 2: Las mujeres de mi vida (1992)
  • Esta noche es Nochebuena (episodio de Farmacia de guardia) (1992)
  • Los ladrones van a la oficina (serie) (1993)
  • Los ladrones van a la oficina (1993–1995)
  • Cuéntame cómo pasó (2001)

Premios[editar | editar a fonte]

Premios Goya[editar | editar a fonte]

Ano Categoría Película Resultado
2001 Premio Goya ó mejor guión adaptado Lázaro de Tormes Gañador
2000 Premio Goya á mellor interpretación masculina protagonista A lingua das bolboretas Candidato
1999 Premio Goya á mellor interpretación masculina protagonista El abuelo Gañador
1993 Premio Goya á mellor interpretación masculina secundaria Belle Époque Gañador
1990 Premio Goya á mellor dirección El mar y el tiempo Candidato
1990 Premio Goya á mellor interpretación masculina protagonista El mar y el tiempo Candidato
1990 Premio Goya á mellor interpretación masculina protagonista Esquilache Candidato
1990 Premio Goya ó mellor guión adaptado El mar y el tiempo Candidato
1987 Premio Goya ó mellor guión orixinal El viaje a ninguna parte Gañador
1987 Premio Goya á mellor interpretación masculina protagonista Mambrú se fue a la guerra Gañador
1987 Premio Goya á mellor dirección El viaje a ninguna parte Gañador

Festivais de cine[editar | editar a fonte]

Ano Premio Festival Película
2005 Oso de Honra Festival Internacional de Cine de Berlín Toda a súa traxectoria
1999 Premio Donostia Festival Internacional de Cine de Donostia Toda a súa traxectoria
1989 Premio especial do xurado Festival Internacional de Cine de Donostia El mar y el tiempo
1985 Oso de Prata á mellor interpretación masculina Festival Internacional de Cine de Berlín Stico
1984 Premio Pasinetti Festival Internacional de Cine de Venecia Los zancos
1977 Oso de Prata á mellor interpretación masculina Festival Internacional de Cine de Berlín El anacoreta

Notas[editar | editar a fonte]

  1. Fernán Gómez, Fernando, El tiempo amarillo: memorias ampliadas (1921–1997). Editorial Debate, Barcelona, 1998. ISBN 84-8306-139-2, pp. 33–35.
  2. La feroz María Guerrero y la saga familiar del cómico, reportaxe do xornal El País, 23 de novembro de 2007.
  3. (xornal El Mundo, 18 de decembro de 1998) (ed.). "«"Este año es el colofón de mi carrera", dice Fernán-Gómez»". Consultado o 22 de novembro de 2007. 
  4. Rojo y Negro (ed.). "«Nos ha dejado Fernando Fernán Gómez, un obrero de la Cultura»". Consultado o 22 de novembro de 2007. 
  5. «Fallece Fernando Fernán Gómez» (diario El País, 21 de novembro de 2007).
  6. Fernando Fernán-Gómez, condecorado con la Gran Cruz de la Orden Civil de Alfonso X el Sabio[Ligazón morta], noticia de Europa Press en Yahoo! Noticias.
  7. «El Centro Cultural de la Villa se llamará Teatro Fernando Fernán-Gómez» (diario El País, 22 de novembro de 2007).

Véxase tamén[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Fernando_Fernán_Gómez&oldid=4854273"