Futsal Cartagena

Na Galipedia, a Wikipedia en galego.
Saltar ata a navegación Saltar á procura
Reale Cartagena
NomeFutsal Cartagena
Alcume(s)Cartageneros, Albiazules
Fundación1993
EstadioWsell de Guimbarda (La Bombonera)
Cartagena, España España
Capacidade2.500
Presidenteespañol Antonio Mínguez
Adestradorespañol Luis Fonseca
LigaDivisión de Honra (LNFS)
2010-1113º
VestimentaElements
PatrocinadorReale
Páxina webPáxina web
Na casa
Fóra

O Futsal Cartagena ou Reale Cartagena, por motivos de patrocinio, é un equipo español de fútbol sala da cidade de Cartagena, na Rexión de Murcia. Actualmente compite na División de Honra da Liga Nacional de Fútbol Sala.

O Futsal Cartagena fundouse en 1993, e dende a tempada 1998-99 xoga na máxima categoría do fútbol sala español. A súa mellor tempada foi a 2005-06, cando o equipo chegou á final da División de Honra da LNFS, na que perdeu fronte a ElPozo Murcia.

Historia[editar | editar a fonte]

Creación do Futsal Cartagena[editar | editar a fonte]

O Fútbol Sala Cartagena comezou a competir en 1993 baixo o nome de Mínguez y Sáez Fútbol Sala. En dous anos conseguiu o ascenso á División de Prata na que, tras unha primeira tempada de proba, comezou a buscar o ascenso á máxima categoría. Na tempada 1996-97 non puido conseguir o ansiado ascenso logo de caer no derradeiro partido ante o Jaén Fútbol Sala, mais na tempada seguinte o Mínguez Sáez proclamouse campión de grupo e ascendeu á División de Honra ao bater o F.S. Móstoles.

No seu debut na máxima categoría o Cartagena certificou a súa permanencia e ao ano seguinte finalizou na novena posición, ficando ás portas dos playoffs polo título. No ano 2000, o club cambiou de patrocinador e converteuse no GMI FS Cartagena durante dúas tempadas, nas que seguiu loitando sen éxito por entrar entre os mellores. Cando a empresa rompeu o seu patrocinio, o Cartagena estivo a piques de desaparecer, mais no último momento o Centro Médico Virgen de la Caridad converteuse no seu patrocinador. O club mantívose na fase de permanencia ante o Levitt Las Rozas.

Polaris World Cartagena[editar | editar a fonte]

Na tempada 2003-04, a promotora inmobiliaria Polaris World converteuse no patrocinador do Cartagena, baixo a presidencia de Salvador Hernández. Investíronse moitos cartos en xogadores como Manoel Tobías, considerado daquela como a estrela da selección brasileira, e outras figuras como Indio e o adestrador Sito Rivera. O equipo clasificouse para os playoffs en quinta posición e chegou ata as semifinais. Unha tempada despois, o club rematou cuarto na liga regular e correu a mesma sorte nos playoffs, malia as contratacións de Marcelo, Jordi Sánchez, Javier Orol, Jordi Torras e o brasileiro Leandro Simi.

Polaris World realizou a súa mellor tempada en 2005-06, ao finalizar segundo a liga regular. Nos playoffs polo título, o Cartagena superou o Playas de Castellón FS e o Boomerang Interviú, chegando ata a final polo título, onde caeu fronte ao ElPozo Murcia. En todo ese tempo destacaron os brasileiros Ciço, Lenísio (máximo goleador do club) e Balo. Na tempada 2006-07, o club finalizou segundo, mais caeu en semifinais polo título.

Etapa actual[editar | editar a fonte]

Logo de catro anos de colaboración, Polaris World anunciou o 12 de xuño do 2007 que retiraba o seu patrocinio ante a falta de resultados. A entidade rescindiu o contrato de tódolos seus xogadores e o equipo estivo novamente a piques de desaparecer. O primeiro presidente, Antonio Mínguez, regresou ao cargo e o club buscou de xeito desesperado un patrocinador. Meses despois, a empresa Muebles Tuco converteuse no seu patrocinador e o club tivo que refacerse por completo con xogadores como Jordi Gay e Marcelo Serpa. Con menos cartos que en anteriores ocasións, o equipo finalizou en duodécimo lugar e a empresa de mobles retirou o seu patrocinio ao final da tempada.

Novamente sen apoios económicos, a construtora Peinsa asinou un acordo de patrocinio no verán do 2008. Mais a mediados da tempada 2008-09, Peinsa suspendeu pagamentos e non afrontou os seus compromisos económicos, polo que os xogadores non podían cobrar as súas nóminas. Ao final, en febreiro do 2009, o Centro Médico Virgen de la Caridad volveu converterse no patrocinador ata o final da tempada.[1] A pesar das dificultades, o Cartagena certificou a permanencia.

Dende a tempada 2009-2010, o Cartagena está patrocinado pola aseguradora Reale Seguros, polo que a entidade cambiou o seu nome por Reale Futsal Cartagena. Neste tempo destacaron os xogadores Sergio Lozano e Fabián Robledo, convocados pola Selección de fútbol sala de España.

Na tempada 2010-2011 continuou o patrocinio da aseguradora Reale. Malia iso, o club sufriu dificultades económicas que o levaron mesmo ao impagamento dalgunhas nóminas debido a que as subvencións públicas do concello e da comununidade autónoma non chegaban. Ao finalizar a primeira volta o club estaba situado en posicións de descenso. Coas incorporacións de Beto, Yoni e Bebe no mercado de inverno, o club experimentou unha remontada espectacular, gañándose partidos como o 10-9 a ElPozo Murcia en La Bombonera. O club chegou ata a derradeira xornada xogándose a permanencia fronte ao Playas de Castellón, fóra de casa, nun partido no que o equipo rival tamén se xogaba continuar en División de Honra. Finalmente o partido finalizaba 2-4, consumándose a salvación do Cartagena.

Cadro de xogadores da tempada 2010-11[editar | editar a fonte]

Posto País Xogador
1 Porteiro España Molina
2 Á España Carrasco
3 Peche España Bebe
4 Peche España Fabián
6 Á España Luis Jara
7 Peche España Palomeque
8 Pivote España Pizarro
Posto País Xogador
9 Pivote Flag of Brazil.svg Messias
10 Peche España Cobeta
11 Á España Pedreño
12 Porteiro España Fabio
13 Pivote España Yoni
18 Peche España Charly Maza
19 Pivote Flag of Brazil.svg Beto
  • Adestrador: Flag of Spain.svg Luis Fonseca Cilleros

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Futsal_Cartagena&oldid=4822015"