Jaime Pita

Na Galipedia, a Wikipedia en galego.
Saltar para a navegação Saltar para a pesquisa

Jaime Alberto Pita Varela, nado en Betanzos o 13 de xuño de 1944, é un político galego do Partido Popular, e foi vicepresidente segundo do Parlamento de Galicia no último mandato do fraguismo.

Traxectoria[editar | editar a fonte]

É neto de Claudino Pita Pandelo, o construtor orixinal do famoso globo de Betanzos. Estudou Técnicas Directivas nas universidades de Santiago de Compostela e de Navarra, accedendo por oposición á praza de profesor de bacharelato.

En 1983 presentouse coma candidato á alcaldía de Betanzos, por Alianza Popular. A pesar da derrota, obtivo o cargo de concelleiro, que revalidaría nos anos 1987, 1991 e 1995 (nas dúas últimas ocasións xa baixo as siglas do Partido Popular). Igualmente, e dende 1989, compaxinou esta labor coa de deputado no Parlamento de Galicia, do que fixo parte dende a III lexislatura, e no que foi voceiro do Partido Popular nas lexislaturas V e VI. De marcado conservadorismo, cómpre salientar deste período as súas rifas verbais coa oposición, especialmente con Xosé Manuel Beiras, voceiro do Bloque Nacionalista Galego.

En 1999 foi nomeado Conselleiro da Presidencia e de Administracións Públicas, no terceiro goberno de Manuel Fraga, razón pola que dimitiu coma concelleiro de Betanzos. Mantivo o cargo no seguinte goberno da Xunta ata o ano 2005.


Predecesor:
Dositeo Rodríguez
 Escudo de Galicia.svg
Conselleiro da Presidencia e de Administracións Públicas
 
1999 - 2005
Sucesor:
José Luis Méndez Romeu
Traído desde "https://gl.wikipedia.org/w/index.php?title=Jaime_Pita&oldid=4708830"