Juan Couto Sanjurjo

Na Galipedia, a Wikipedia en galego.
Saltar para a navegação Saltar para a pesquisa
Juan Couto Sanjurjo
Alcume Simeón
Nacemento 1917
  Ardemil, Ordes
Falecemento 12 de outubro de 1999
  Buscás, Ordes
Nacionalidade España
editar datos en Wikidata ]

Juan Couto Sanjurjo, Simeón, nado en Ardemíl (Ordes) en 1917 e finado en Buscás o 12 de outubro de 1999,[1] foi un guerrilleiro antifranquista galego.

Traxectoria[editar | editar a fonte]

Actuou como enlace e ao ser descuberto pola Garda civil, botouse ao monte en xaneiro de 1946, incorporándose ao destacamento Manuel del Río Botana dirixido por Manuel Ponte. Participou no asalto a un tren cargado de armamento na liña A Coruña-Santiago de Compostela. Perdeu o ollo dereito recibir unha perdigonada nunha refrega con veciños de Oíns (Arzúa) o 6 de decembro de 1946. Logrou escapar, con Emilio Pérez Vilariño, no enfrontamento de Fontao onde foron asasinados Manuel Ponte Pedreira, Manuel Díaz e Manuel Rodríguez Suárez o 15 de maio de 1947. Tamén escapou da caída da V Agrupación. Cando capturaron a Benigno Andrade García en marzo de 1952, estaba enfermo oculto noutro lugar, o que lle permitiu escapar da detención. Foi detido en Visantoña (Mesía) o 22 de xuño de 1952 despois de que os seus dous compañeiros, Manuel Ramiro Souto e José Galán Núñez morreran resistindo á Garda Civil que rodeaba a casa onde estaban agochados. Xulgado en consello de guerra o 6 de xullo de 1953 acusado de participar no asasinato do cura de Viós (Abegondo), foi condenado a pena de morte, que foi conmutada por cadea perpetua. Pasou polas cadeas da Coruña, onde coincidiu con Foucellas, Dueso en Santoña (5 anos), Alcalá de Henares (3 anos), Carabanchel e Guadalajara. Foi posto en liberdade en 1963, e instalouse na Coruña.

Notas[editar | editar a fonte]

  1. La Voz de Galicia, 17-10-1999, p. 52

Véxase tamén[editar | editar a fonte]

Bibliografía[editar | editar a fonte]

  • Martínez, Lupe (2007). Coa man armada. "Ejercito Guerrillero de Galicia" -IV Agrupación- 1946 - 1948. Vigo: A Nosa Terra. ISBN 978-84-8341-166-7. 

Ligazóns externas[editar | editar a fonte]

Traído desde "https://gl.wikipedia.org/w/index.php?title=Juan_Couto_Sanjurjo&oldid=4725052"