Lavr Kornilov

Na Galipedia, a Wikipedia en galego.
Saltar ata a navegación Saltar á busca
Lavr Kornilov
Kornilov1916.jpeg
Nacemento 18 de agosto de 1870
  Öskemen
Falecemento 13 de abril de 1918
  Krasnodar
Nacionalidade Imperio Ruso
Relixión Igrexa Ortodoxa
Educado en sen etiquetar, Mikhailovsky Artillery School e General Staff Academy
Ocupación explorador, diplomático e oficial
Premios Order of Saint Anna, 2nd class, Order of Saint Anna, 1st class, Order of Saint Anna, 3rd class, Order of Saint Stanislaus, 1st class, Order of Saint Stanislaus, 2nd class, Order of Saint Stanislaus, 3rd class, Knight third class of the order of St. Vladimir, Order of St. George, 3rd class e Order of St. George, 4th class
editar datos en Wikidata ]

Lavr Georgievich Kornilov (en ruso: Лавр Георгиевич Корнилов), nado en Ust-Kamenogorsk o 18 de xullo de 1870 e finado en Krasnodar o 13 de abril de 1918, foi un xeneral do exército ruso, máis coñecido polo intento de golpe de Estado ó Goberno provisional de Aleksandr Kerenskii, durante a Revolución Rusa de 1917.

Traxectoria[editar | editar a fonte]

Naceu en Stanitsa Karkaralinskaya (станица Каркаралинская), no seo dunha familia cosaca de Semirechie. Exerceu como militar de profesión no exército do Imperio Ruso. Durante 1890 e 1904 liderou varias expedicións en Xinjiang, Afganistán e Irán e adquiriu coñecemento en diversos idiomas centroasiáticos. Durante a Guerra Ruso-Xaponesa foi condecorado coa Cruz de San Xurxo pola súa afouteza e ascendido ó grao de coronel.

Serviu como agregado militar na China durante 1907-11 e en calidade de Comandante Xeneral dirixiu a división de infantería ó comezo da Primeira Guerra Mundial, pero en abril de 1915 foi capturado polos austríacos. Fuxindo en 1916, foille concedido o mando do Distrito Militar de Petrogrado e en xullo de 1917 foi nomeado Comandante en Xefe das forzas armadas do goberno provisional.

O Xeneral Kornilov decidiu intervir na caótica situación de Rusia porque, ó igual que a clase media da época, cría que a constante deterioración da nación a convertería nunha anarquía e que unha derrota militar sería desastrosa para o orgullo e honra rusos. Lenin e os seus espías alemáns -dixo Kornilov- deben ser executados, os soviéticos erradicados, a disciplina militar restaurada e o goberno provisional reestruturado.

En agosto de 1917 Kornilov realizou un chamamento a todos os rusos para “salvar as súas terras” e ordenou ás súas tropas avanzar cara Petrogrado. Incerto no número de tropas inimigas, Kerenskii (Líder do Goberno Provisional) viuse obrigado a pedir axuda de todas partes, incluíndo a Garda Vermella bolxevique.

Logo do seu errado golpe de estado en setembro de 1917, Kornilov foi sentenciado a arresto domiciliario. A partir de entón, os bolxeviques fixéronse co poder no territorio ruso. De volta, fuxindo do encarceramento, Kornilov viaxou cara Novorcherkassk, onde xunto ó Xeneral Mikhail Alekseiev colaborou na formación do contra-revolucionario Exército Voluntario. Morreu en Krasnodar en abril de 1918, durante un enfrontamento co Exército Vermello, cando unha granada inimiga explotou no seu cuartel.

Véxase tamén[editar | editar a fonte]

Outros artigos[editar | editar a fonte]

Bibliografía[editar | editar a fonte]

  • Richard Pipes, The Russian Revolution (Knopf, 1990)
  • Orlando Figes, A People's Tragedy (Viking, 1996)
Traído desde "https://gl.wikipedia.org/w/index.php?title=Lavr_Kornilov&oldid=4719960"