Lino Gómez Canedo

Na Galipedia, a Wikipedia en galego.
Saltar ata a navegación Saltar á procura
Lino Gómez Canedo
Nacemento1908
 A Laracha
Falecemento24 de decembro de 1990
NacionalidadeEspaña
Ocupaciónescritor
editar datos en Wikidata ]

Lino Gómez Canedo, nado en San Xulián de Coiro (A Laracha) o 24 de xuño 1908 e finado en Cidade de México o 24 de decembro de 1990, foi un sacerdote católico galego.

Traxectoria[editar | editar a fonte]

Fillo de labregos, vestiu o hábito franciscano no convento de San Diego de Canedo (Ponteareas) en agosto de 1923 e máis tarde estudou filosofía no convento da Nosa Señora de Vistahermosa (Ourense) e teoloxía no convento de San Francisco do Val de Deus de Santiago de Compostela, onde profesou o 25 de xuño de 1929 e foi ordenado sacerdote en xuño de 1931.

Desde a súa época de estudante naceu nel a vocación de historiador, disciplina na que entraría baixo a orientación de frei Atanasio López Fernández. En 1933 viaxou para estudar en Roma onde se licenciou en Historia Eclesiástica en 1937, o que lle serviu para se incorporar á Academia Americana da Historia, con sede en Washington, onde traballou durante varias décadas[1].

O padre Gómez Canedo foi un incansable home de letras e de palabras conferenciantes que, ao compás dos seus quefaceres clericais, empregou toda a súa vida para furgar neses cartafoles eclesiástico-historiográficos que hoxe se atopan repartidos polas diversas bibliotecas e institucións culturais da nosa xeografía e as dos continentes americano e asiático, deixando un legado histórico de gran valor documental.

Notas[editar | editar a fonte]

  1. Gran Enciclopedia Gallega tomo 16 páx.69

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Lino_Gómez_Canedo&oldid=4640932"