Luís Fábrega Coello

Na Galipedia, a Wikipedia en galego.
Saltar ata a navegación Saltar á busca
Luís Fábrega Coello
Luís Fábrega Coello 1934.jpg
Luís Fábrega Coello, retrato en Vida Gallega, 1934.
Nacemento 1876
  Ourense
Falecemento 27 de decembro de 1960
Nacionalidade España
Educado en Universidade de Santiago de Compostela
Ocupación político e farmacéutico
Fillos Luís Fábrega Santamaría
editar datos en Wikidata ]

Luís Fábrega Coello, nado en Ourense o 5 de maio de 1874 e finado o 27 de decembro de 1960, foi un farmacéutico e político galego.[1]

Traxectoria[editar | editar a fonte]

Fixo os estudos de bacharelato no Instituto de Ourense. En 1891 matriculouse en preparatorio para cursar os estudos de Farmacia na Universidade de Santiago de Compostela, onde se licenciou en 1899. Fixo un ano de prácticas en Arnedo (A Rioxa), e despois de rexentar unha farmacia en Monforte de Lemos, abriu a súa farmacia en Ourense o 3 de xullo de 1904.

Membro do Partido Republicano Radical de Alejandro Lerroux, foi o líder desta formación en Ourense por volta de 1930[2]. O 26 de marzo de 1930 foi un dos asinantes do Pacto de Lestrobe. Encabezou a lista da Federación Republicana de Ourense nas eleccións municipais que deron paso á Segunda República, con sete concelleiros, por detrás dos monárquicos. Logo de encabezar a manifestación local polo cambio de réxime. Foi elixido alcalde de Ourense por 11 votos, o día 16 de abril de 1931 cargo do que dimitirá catro días mais tarde para facerse cargo da presidencia da Comisión Xestora da Deputación Provincial [3].

Nas eleccións a Cortes Constituíntes de 1931 foi escollido deputado pola provincia de Ourense obtendo 41.327 votos, sendo o deputado mais votado da provincia. Dende a Deputación Provincial, promoveu en 1932 a creación da Caixa de Aforros Provincial de Ourense, da que foi o seu primeiro presidente trala súa creación en 1933. Non se presentou ás eleccións de novembro de 1933 por incompatibilidade coa presidencia da Deputación Provincial, nelas saíu elixido deputado o seu fillo Luís Fábrega Santamarina.

O 11 de febreiro de 1934 foi renovada polo Gobernador Civil a Xunta Xestora da Deputación, manténdolle o cargo de presidente a Luís Fábrega Coello, pero non así aos seus colaboradores, os deputados Manuel Suárez (socialista) e Eleuterio González (galeguista), razón pola cal rechazou a designación e abandonou a presidencia da Deputación. O xornal La Zarpa publicou o 16 de febreiro unha carta asinada por el, dando conta dos motivos da súa dimisión. O 30 de marzo a Deputación nomeouno conselleiro da Caixa Provincial de Aforros co carácter de fundador, ao cesar na presidencia da Caixa por cesar na da Deputación. O 25 de xuño de 1934 tras os escándalos e a dereitización do Partido Radical, abandónao para integrarse como militante de base en Unión Republicana, escisión do Partido Republicano Radical liderada por Diego Martínez Barrio. A partir dese momento deixa a actividade política, para dedicarse a rexentar a súa farmacia. Foi presidente do Colexio Farmacéutico de Ourense dende 1927 ata 1935

O 27 de outubro de 1937 foi detido por orden do gobernador Tte.Coronel Luis Soto e estivo confinado oito meses na prisión de Ourense e sufriu unha forte sanción económica e incautación de bens.

O 27 de decembro de 2010 o Concello de Ourense (Concellería de Cultura) dedicoulle unha placa de bronce na súa casa da rúa de Alba nº 31 (antigo) co gallo do 50 cabo de ano do seu pasamento.


Predecesor:
Alfonso Junquera Devesa
 Escudo de Ourense.svg
Alcalde de Ourense
 
1931
Sucesor:
Antonio Álvarez Dopazo
Predecesor:
Juan Taboada González
 Provincia de Ourense - Escudo.svg
Presidente da deputación de Ourense
 
1931 - 1933
Sucesor:
Arturo Rodríguez Sieiro

Notas[editar | editar a fonte]

  1. La ciudad recuerda al político Luis Fábrega[Ligazón morta](en castelán)
  2. De Juana, J e Prada, J. Historia contemporánea de Galicia, Ariel, 2005, p. 238
  3. De Juana, J e Prada, J. Historia contemporánea de Galicia, Ariel, 2005, p. 232

Véxase tamén[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Luís_Fábrega_Coello&oldid=4902007"