Luz Pozo Garza

Luz Pozo Garza
Luz Pozo no plenario da RAG con motivo da votación para a escolla de novo presidente.
Nacemento	21 de xullo de 1922 (95 anos)
Lugar	Ribadeo Galicia
Nacionalidade	España
Ocupación	poeta e escritor
Cónxuxe	Eduardo Moreiras
Xéneros	Poesía, ensaio
Premios	Medalla Castelao e Premio da Crítica de poesía galega
[ editar datos en Wikidata ]

Luz Pozo Garza, nada en Ribadeo o 21 de xullo de 1922, é unha poeta galega e membro da Real Academia Galega.

Traxectoria

Con catorce anos, por mor da Guerra civil española e da persecución da que foi obxecto seu pai, trasladouse coa súa familia primeiramente a Lugo e, logo, a Larache (Marrocos). De volta en Galicia, instalouse en Viveiro. Ten estudos musicais que deixarán unha singular pegada na súa poética, estudos de maxisterio e de filoloxía románica. Posteriormente desenvolveu en Vigo unha longa traxectoria de docente de lingua e literatura españolas no ensino secundario, xubilándose en 1987 no Instituto de Nigrán. Entre 1975 e 1976 codirixiu a revista Nordés xunto a Tomás Barros. Promoveu tamén a creación da revista Clave Orión.

É membro da Real Academia Galega dende o 29 de novembro de 1996. O seu discurso de ingreso na RAG titulouse Diálogos con Rosalía e foi respondido por Xesús Alonso Montero.

Luz Pozo Garza é, segundo Rosario Álvarez "unha voz ilustre na nosa poesía desde a publicación do seu primeiro poemario en galego, O paxaro na boca (1952), que inaugurou a colección Xistral". Na súa obra posterior Luz Pozo achega unha poesía inzada de sensualidade e profunda, na cal o amor, a inquedanza existencial, a patria, a liberdade e mesmo a morte se entrecruzan compondo textos de sublime autenticidade e madurez.

No 2001 foi nomeada socia de honra da Asociación de Escritores en Lingua Galega.

O concello de Culleredo adicoulle unha rúa no Burgo, ao igual que o da Coruña.

Obra en galego

Poesía

• O paxaro na boca, 1952, Colección Xistral.
• Últimas palabras / Verbas derradeiras, 1976, A Coruña: Nordés. Versión galega autotraducida do orixinal castelán.
• Concerto de outono, 1981, Edicións do Castro.
• Códice calixtino, 1986, Sotelo Blanco.
• Prometo a flor de loto, 1992, Deputación da Coruña.
• Vida secreta de Rosalía, 1996, Espiral Maior.
• Ribadeo, Ribadeo, 2002, Xunta de Galicia.
• Medea en Corinto, 2003, Linteo, edición bilingüe galego-castelán.
• Historias fidelísimas: poesía selecta 1952-2003, 2003, PEN Clube de Galicia.
• Memoria solar (obra poética íntegra), 2004, Linteo.
• As arpas de Iwerddon, 2005, Linteo.
• As vodas palatinas, 2005, Espiral Maior.
• Deter o día cunha flor, 2009, Baía Edicións. Con ilustracións de José Valentín.
• Rosa tántrica, 2016, Alvarellos.

Ensaio

• A bordo de "Barco sen luces" ou o mundo poético de Luís Pimentel, 1990, Sotelo Blanco. Edición corrixida e ampliada no 2011, publicada en Alvarellos.
• Álvaro Cunqueiro e "Herba aquí ou acolá", 1991, Galaxia.
• Galicia ferida: a visión de Luís Seoane, 1994, Edicións do Castro.
• Diálogos con Rosalía, 1996, Real Academia Galega.
• Ondas do mar de Vigo: erotismo e conciencia mítica nas cantigas de amigo, 1996, Espiral Maior.
• Tres poetas medievais da ría de Vigo, 1998, Galaxia.

En antoloxías e obras colectivas

• Antoloxía da poesía galega actual. Nordés, 1978, Edicións do Castro.
• I Festival de Poesía no Condado, 1981, S. C. D. Condado.
• Os escritores lucenses arredor de Ánxel Fole, 1986, Concello de Lugo.
• Daquelas que cantan. Rosalía na palabra de once escritoras galegas, 1997, Fundación Rosalía de Castro.
• Tres poetas medievais da Ría de Vigo: Martín Codax, Mendiño e Johán de Cangas, 1998, Galaxia.
• A poesía é o gran milagre do mundo, 2001, PEN Clube de Galicia.
• Poetas e narradores nas súas voces. I, 2001, Consello da Cultura Galega.
• Antoloxía consultada da poesía galega 1976-2000, 2003, Tris Tram. Por Arturo Casas.
• Carlos Casares. A semente aquecida da palabra, 2003, Consello da Cultura Galega.
• Negra sombra. Intervención poética contra a marea negra, 2003, Espiral Maior.
• Poemas de amor. Xeración dos 50, 2004, Tórculo. Por Maximino Cacheiro Varela.
• Son de poesía, 2005, Edições Fluviais, Lisboa.
• Amor en feminino: antoloxía das poetas galegas de Rosalía á Xeración dos 80, 2006, Baía Edicións. Edición de Maximino Cacheiro Varela.
• Poemas pola memoria (1936-2006), 2006, Xunta de Galicia.
• Poemas coruñeses: antoloxía de textos poéticos dos séculos XIX e XX sobre a Coruña, 2008, Espiral Maior.
• Actas do Congreso Manuel María. Literatura e Nación, 2009, Fundación Manuel María.
• Erato bajo la piel del deseo, 2010, Sial Ediciones.
• Poemas para Carmen Blanco, 2010, Libros da Cebra.
• Poetas con Valente, 2010, Universidade de Santiago de Compostela.
• To The Winds Our Sails, 2010, Salmon Poetry. Tradución do galego ao inglés.
• Tamén navegar, 2011, Toxosoutos.
• Cartafol de soños, homenaxe a Celso Emilio Ferreiro no seu centenario (1912-2012), 2012, A. C. Alexandre Bóveda.
• Unha cesta de pombas e mazás. Homenaxe a Isaac Díaz Pardo, 2013, Academia Real Isaac Díaz Pardo.
• De Cantares Hoxe. Os Cantares Gallegos de Rosalía de Castro no século XXI, 2015, Fundación Rosalía de Castro/Radio Galega.

Obra en castelán

Poesía

• Ánfora, 1948, Vigo.
• El vagabundo, 1952, Ribadeo.
• Cita en el viento, 1962, edición da autora, Viveiro.
• Últimas palabras/Verbas derradeiras, 1976. A Coruña: Nordés.
• Sol de medianoche, 2013, Eurisaces.

Premios

• Premio á Creación Feminina da Consellería de Cultura no 1991, por toda a súa traxectoria literaria.
• Premio Celanova Casa dos Poetas no 2001.
• Premio Miguel González Garcés no 1992, por Prometo a flor de loto.
• Premio da Crítica de poesía galega no 2009, por Deter o día cunha flor.
• Premio Cultura Galega das Letras da Xunta de Galicia no 2013.
• Premio Laxeiro no 2014.

Véxase tamén

Bibliografía

• Códice calixtino de Luz Pozo Garza, de Carmen Panero, 1993, Edicións do Cumio.
• Luz Pozo Garza: Códice Calixtino (curso de orientación universitaria), de Xosé Manuel Fernández Costas e Henrique Rabuñal, 1993, Baía Edicións.
• Códice calixtino, Luz Pozo Garza, de Anxos Sanmartín, 1994, Sotelo Blanco.
• Códice Calixtino de Luz Pozo Garza, de Helena González, 1997, Xerais.
• Entre la llum i l'ombra: l'obra poètica de Luz Pozo Garza, de Victoria Sanjurjo Fernández, 1998, Parsifal, Barcelona.
• Luz Pozo Garza: a ave do norte, de Carmen Blanco, 2002, Linteo.
• Á procura da poesía. Vida e obra de Luz Pozo Garza, de Aurora López e Andrés Pociña, 2014, Alvarellos.

Ligazóns externas

• Luz Pozo Garza na Biblioteca Virtual Galega.
• Luz Pozo Garza na páxina web da Asociación de Escritoras e Escritores en Lingua Galega.
• Biografía e un poema
• Entrevista de Literatura Galega do S.XX do alumnado do IES Manuel García Barros
• Galegos, TVG, 21/06/2014.