Miguel Torga

Na Galipedia, a Wikipedia en galego.
Saltar ata a navegación Saltar á procura
Miguel Torga
Miguel Torga - Exposição «Estou nas nuvens».jpg
Nome completoAdolfo Correia da Rocha
Nacemento12 de agosto de 1907
 São Martinho de Anta
Falecemento17 de xaneiro de 1995
 Coímbra
NacionalidadePortugal
Educado enUniversidade de Coimbra
Ocupaciónpoeta, escritor e dramaturgo
Xénerosnovela, poesía
PremiosPremio Camões
editar datos en Wikidata ]

Adolfo Correia da Rocha, nado en São Martinho de Anta (Vila Real) o 12 de agosto de 1907 e finado en Coímbra o 17 de xaneiro de 1995, foi un escritor portugués, que adoptou en 1934 o pseudónimo de Miguel Torga.

Traxectoria[editar | editar a fonte]

Fillo de labregos, emigrou con trece anos ó Brasil, volvendo a Portugal no 1925 para coa axuda financeira do seu tío do Brasil, matricularse na Facultade de Medicina da Universidade de Coímbra, onde remataría os seus estudos no ano 1933. Exerceu como médico en varias localidades do país, establecéndose definitivamente no ano 1939 en Coímbra.

Iniciouse na literatura no primeiro ano de universidade, ligándose ao grupo da revista Presença. Participou logo na fundación da revista Sinal, do que só sairía un número, e en 1936 na revista Manifesto. Logo destas experiencias afastaríase de por vida de escolas literarias e mesmo de contactos cos círculos culturais portugueses.

Torga, é en primeiro lugar o poeta de Trás-os-Montes, abranguendo a súa obra o conto, a novela e o teatro. Mais son os seus Diarios onde critica, polemiza, retrata paisaxes que o emocionan, e reflexiona sobre a condición humana. As súas obras mais coñecidas son: A Criação do Mundo (Novela autobiográfica publicada por volumes (1937-1981)), os contos Bichos (1940) e Contos da Montanha (1941), os seus Diários (Publicados en XVI volumes abranguendo dende o ano 1932 ata o ano 1993), e Antologia Poética (1981).

Foi un das figuras estelares da literatura portuguesa do século XX, sendo premiado varias veces pola súa obra literaria. No 1995 regresou para sempre ó seu paraíso natal, São Martinho de Anta.

Obra[editar | editar a fonte]

Prosa[editar | editar a fonte]

  • Pão Ázimo (1931)
  • Criação do Mundo (1931)
  • A Terceira Voz (1934)
  • Os Dois Primeiros Dias (1937)
  • O Terceiro Dia da Criação do Mundo (1938)
  • O Quarto Dia da Criação do Mundo (1939)
  • Bichos (1940)
  • Contos da Montanha (1941). "Diário I"
  • Rua (1942)
  • O Senhor Ventura (1943). "Diário II"
  • Novos Contos da Montanha (1944)
  • Vindima (1945)
  • "Diário III" (1946)
  • "Diário IV" (1949)
  • Pedras Lavradas (1951) "Diário V"
  • "Diário VI" (1953)
  • "Diário VII" (1956)
  • "Diário VIII" (1959)
  • "Diário IX" (1964)
  • "Diário X" (1968)
  • "Diário XI" (1973)
  • O Quinto Dia da Criação do Mundo (1974)
  • Fogo Preso (1976)
  • O Sexto Dia da Criação do Mundo (1981)
  • Fábula de Fábulas (1982)

Pezas teatrais[editar | editar a fonte]

  • Terra Firme (1941)
  • Mar (1941)
  • Sinfonia (1947)
  • O Paraíso (1949)
  • Portugal (1950)
  • Traço de União (1955)
Traído desde "https://gl.wikipedia.org/w/index.php?title=Miguel_Torga&oldid=4983206"