Pedroso, Narón

Na Galipedia, a Wikipedia en galego.
Saltar ata a navegación Saltar á busca

Coordenadas: 43°32′9.07″N 8°6′31.35″O / 43.5358528, -8.1087083

Pedroso
Igrexa de Pedroso.JPG
Igrexa de San Salvador de Pedroso
Situación da parroquia de Pedroso.png
Concello Narón
Área 9,8 km²
Poboación 737 hab. (2011)
Densidade 75,2 hab./km²
Entidades de poboación 28

San Salvador de Pedroso é unha parroquia rural que se localiza no leste do concello de Narón, na provincia da Coruña, cunha superficie de 9,8 km². Na xurisdición eclesiástica forma parte do arciprestado de Xuvia, pertencente á diocese de Mondoñedo-Ferrol.

Segundo o padrón municipal de 2011 tiña 737 habitantes (347 mulleres e 390 homes) distribuídos en 28 entidades de poboación, o que supón un descenso en relación ao ano 2007 cando tiña 795 habitantes. A súa densidade poboación é de 75,2 hab./km².

Xeografía[editar | editar a fonte]

Limita ao norte coa parroquia de Sedes e o concello de San Sadurniño, ao sur co concello de Neda e a parroquia de Doso, ao leste co concello de San Sadurniño, e ao oeste coa parroquia de Sedes e o concello de Neda.

Historia[editar | editar a fonte]

Os textos das imaxes son unha copia xa que o documento orixinal non se conserva, foi feita polo notario Pedro Lastra en 1543. É sobre a historia de Pedroso porque Dona Munia, irmá do conde de Galicia no ano 1111, mandou levantar o mosteiro de Pedroso e dótao de moitas das súas pertenzas: terras, propiedades etc. Estes foron doados a Don Diego Xelmírez porque Dona Munia morre viúva.

Coa Constitución española de 1812, Pedroso foi recoñecido como concello en 1813, formado daquela polas parroquias de Pedroso, Doso e Santa Mariña do Monte (hoxe no concello de San Sadurniño), con 1.388 habitantes.

Relevo[editar | editar a fonte]

A parroquia de Pedroso posúe humedais de especial interese pola fraxilidade do seu equilibrío e a consguinte necesidade da súa conservación como son os humedais do Chao.Estas terras molladas, e no inverno anegadas, son fonte dunha rica biodiversidade entre a que destaca o liño algodoso, especie en extinción na península e que podemos observar preto deste lugar.

Patrimonio[editar | editar a fonte]

A igrexa parroquial de San Salvador celebra as festas patronais o 5 de agosto.

A capela da Virxe do O está situada no medio do val de Pedroso. O segundo domingo de maio celébrase a romaría. Tradicionalmente celebrábase para pedirlle á Virxe boas colleitas. Consérvase a procesión arredor da igrexa na misa matutina, e a imaxe é levada ata a fonte das Areas (ou San Salvador).

Galería de imaxes[editar | editar a fonte]

Lugares e parroquias[editar | editar a fonte]

Lugares de Pedroso[editar | editar a fonte]

Lugares da parroquia de Pedroso no concello de Narón

Bazón | Os Bidueiros | O Carballo | O Castro da Ermida | O Castro | O Catasol | As Congostras | A Corredoira | A Costeira | O Cotelo | Faxín | A Gándara | Os Loureiros | Meizoso | O Mosteiro | Mugardos | Os Novás | Painzás | A Pallota | A Pedra | A Pereiruga | Piñeiros | O Pouso Vello | O Pozo | Pradelo | A Revolta | O Río do Couto | Santá | A Vacariza

Parroquias de Narón[editar | editar a fonte]

Galicia | Provincia da Coruña | Parroquias de Narón

Castro (Santa María) | Doso (San Lourenzo) | Narón | Pedroso (San Salvador) | San Xiao de Narón (San Xiao) | Sedes (Santo Estevo) | Trasancos (San Mateo) | O Val (Santa María a Maior)

Véxase tamén[editar | editar a fonte]

Outros artigos[editar | editar a fonte]

Traído desde "https://gl.wikipedia.org/w/index.php?title=Pedroso,_Narón&oldid=4675604"