Pontedeva

Na Galipedia, a Wikipedia en galego.
Saltar ata a navegación Saltar á procura

Coordenadas: 42°10′7″N 8°8′21″O / 42.16861, -8.13917

Pontedeva
Escudo de Pontedeva
Concello de Pontedeva.JPG
Casa do Concello de Pontedeva.
Situacion Pontedeva.PNG
Situación
Xentilicio[1]pontedevés - pontedevense
Xeografía
ProvinciaProvincia de Ourense
ComarcaComarca da Terra de Celanova
Poboación554 hab. (2018)
Área9,9 km²
Densidade55,96 hab./km²
Entidades de poboación29
Capital do concelloAldea de Deva
Política (2019[2])
AlcaldeJosé Carlos Guerrero Salgado (PPdeG[3])
Concelleiros
PPdeG: 5
PSdeG-PSOE: 2
Eleccións municipais en Pontedeva
Uso do galego[4] (2011)
Galegofalantes70,56%
Na rede
http://www.pontedeva.es/

Pontedeva é un concello da provincia de Ourense, pertencente á comarca da Terra de Celanova. Segundo o padrón municipal, en 2018 tiña 554 habitantes (664 en 2003). O seu xentilicio (véxase no Galizionario) é pontedevés - pontedevense.

Demografía[editar | editar a fonte]

Ao longo do ano 2006 Pontedeva gañou 102 habitantes, rompéndose a racha decrecente de anos anteriores. Porén, a comezos do 2008 o número de habitantes baixou de novo un total de 19 persoas.

Censo total 554 (2018)
Menores de 15 anos 34 (6.14 %)
Entre 15 e 64 anos 312 (56.32 %)
Maiores de 65 anos 208 (37.54 %)
Evolución da poboación de Pontedeva   Fontes: INE e IGE.
1900 1930 1950 1981 2004 2009 2011 2012 2013 2014 2015 2016 2017 2018
1.296 1.161 1.429 868 647 {{{13}}} {{{14}}}
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía[editar | editar a fonte]

O concello de Pontedeva abrangue dúas parroquias, e ten 10 km². pertence á comarca da Terra de Celanova, situada no sector suroriental da provincia de Ourense. Limita ao norte co concello de Cortegada, ao sur co de Padrenda; ao oeste co concello pontevedrés de Crecente e ao leste co municipio ourensán de Gomesende.

No referente ao seu relevo, o concello está constituído fundamentalmente por un gran val, formado grazas ao río Deva, que pasa polo concello e que fai de linde polo norte. Varios dos seus afluentes atravesan o municipio. Este val ten terras moi boas para o cultivo. As zonas máis elevadas son as terras situadas na parte máis occidental do concello e nos lindes co municipio de Padrenda, sendo o cumio máis elevado, Penedo do Monte.

O seu clima é oceánico e as árbores máis abundantes son os carballos, piñeiros, eucaliptos e algúns castiñeiros.

Historia[editar | editar a fonte]

Hai evidencias de que estas terras estiveron poboadas antes da chegada dos romanos. Así, unha proba da existencia destas culturas prerromanas son os castros que hai nos lugares de Valiño(Pontedeva) e A Senra(Trado)[5]. Tamén se pensa que por aquí pasou unha vía romana que favorecería os posteriores asentamentos no concello.[6]

Na época medieval, o marqués de Malpica era, ata finais do século XVIII, quen se encargaba de impartir a xustiza ordinaria así como de cobrar os impostos, xa que estas terras pertencían ao seu señorío. Estaban baixo a xurisdición de Milmanda.

Posteriormente formou parte do partido xudicial de Celanova dende o ano 1820, pero no ano 1965 foi incorporado ao partido xudicial de Ourense. Por último, en 1988 rematou pertencendo ao de Ribadavia.

Este concello tamén sufriu as consecuencias da emigración de mediados do século XX. Esta é unha das causas do avellentamento da poboación, pasando dos 60 anos unha gran parte da súa poboación.

Patrimonio[editar | editar a fonte]

No concello de Pontedeva destacan os seguintes monumentos:

  • A ermida de San Xusto, na parroquia de Trado.
  • A igrexa de San Breixo, na parroquia de Pontedeva.
  • A capela de Xinzo de Deva.
  • A igrexa de San Paio, en Trado.
  • A capela da Madalena, en Freáns de Deva.
  • O antigo cárcere, en Freáns.
  • A Ponte de Xinzo.
  • O Pazo na Aldea.
  • O Pazo en Trado.

Ademais, en Pontedeva pódese gozar dunhas fermosas vistas panorámicas, un dos principais atractivos é a pesca que antigamente era unha actividade bastante popular no río Deva aínda que nos últimos anos diminuíu por mor da construción dunha minicentral hidroeléctrica en Quintela.

Turismo[editar | editar a fonte]

Pontedeva conta con dúas rutas homologadas de sendeirismo: o PR-G 175 "Ruta do Monte San Xusto", e o PR-G 176 "Ruta do Río Deva".[7]

Ambas son rutas circulares e de aproximadamente 7 km. A primeira é unha ruta que ascende ata a Ermida de San Xusto. A segunda discorre polas beiras do río Deva. Ámbalas rutas coinciden na Ponte Ballote.

Hai unha área para autocaravanas no Valiño[8], xunto á entrada do polígono industrial de Trado.

Galería de imaxes[editar | editar a fonte]

Parroquias[editar | editar a fonte]

Galicia | Provincia de Ourense | Parroquias de Pontedeva

Pontedeva (San Breixo) | Trado (San Paio)

Lugares de Pontedeva[editar | editar a fonte]

Para unha lista completa de todos os lugares do concello de Pontedeva vexa: Lugares de Pontedeva.

Notas[editar | editar a fonte]

  1. Véxase no Galizionario.
  2. Ministerio do Interior, Goberno de España (ed.). "Resultado eleccións 2019". Consultado o 10 de xuño de 2019. 
  3. Federación Galega de Municipios e Provincias (ed.). "Pontedeva". www.fegamp.gal. Consultado o 15 de setembro de 2019. 
  4. Neira, Carlos. "Evolución do uso do galego por concellos". Consultado o 14 de outubro de 2014. 
  5. Páxina sobre os castros da provincia
  6. "Páxina sobre a súa historia na web do concello". Arquivado dende o orixinal o 09 de marzo de 2014. Consultado o 09 de marzo de 2014. 
  7. "FGM <> Rutas de Pequeno Percorrido – OURENSE". fgmontanismo.es. Consultado o 2016-12-27. 
  8. Turismo, Turgalicia/Axencia Galega de (2014-11-12). "GALICIA - MOTORHOME AREAS ÁREA DE O VALIÑO IN PONTEDEVA OURENSE". Turgalicia (en inglés). Consultado o 2016-12-27. 

Véxase tamén[editar | editar a fonte]

Ligazóns externas[editar | editar a fonte]


Este artigo tan só é un bosquexo
 Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.

Traído desde "https://gl.wikipedia.org/w/index.php?title=Pontedeva&oldid=5253045"