Portal:Ópera

Na Galipedia, a Wikipedia en galego.
Saltar ata a navegación Saltar á procura
Imaxe portada Portal Opera.jpeg
Milan - Scala - Facade.jpg

A ópera é un xénero dramático no que a historia se canta na súa maior parte. Para a súa elaboración precísase dun compositor/a así coma dun escritor/a, que recolle a historia no libreto, polo que se chama tamén libretista. L'Orfeo (1607) de Claudio Monteverdi, está considerada coma a primeira ópera da historia.

Para a súa representación precísase de cantantes para interpretar os personaxes e dunha orquestra, así coma todo o persoal necesario para calquera produción escénica, liderado polo director/a de escena.

Adoita comezar por unha abertura e estrutúrase en arias, recitativos, coros, dúos, tríos, cuartetos, fragmentos orquestrais...

Artigo destacado

editar

DrapersTristanIsolde.jpg
Tristan und Isolde (en galego, Tristán e Isolda) é unha ópera en tres actos con música e libreto en alemán de Richard Wagner, baseado en boa parte no romance de Gottfried von Strassburg. Foi composta entre 1857 e 1859 e estreada en München o 10 de xuño de 1865 baixo a batuta de Hans von Bülow. Wagner non a chamaba ópera senón Eine Handlung (drama musical). Forma parte do Canon de Bayreuth.

A composición de Wagner de Tristan und Isolde foi inspirada pola súa aventura con Mathilde Wesendonck e a filosofía de Arthur Schopenhauer. Recoñecida amplamente como un dos cumios do seu repertorio operístico, Tristan und Isolde destaca polo uso avanzado que fai Wagner do cromatismo, a tonalidade, a cor orquestral e a suspensión harmónica. O primeiro acorde da ópera, chamado o «acorde de Tristán», considérase de grande importancia no desenvolvemento da harmonía tonal tradicional.

A ópera foi moi influente entre os compositores occidentais e serviu de inspiración a compositores como Gustav Mahler, Richard Strauss, Karol Szymanowski, Alban Berg ou Arnold Schoenberg. Moitos ven Tristan und Isolde como o comezo da fin da harmonía convencional e a tonalidade, e consideran que establece a base do movemento atonal característico do século XX.

Imaxe destacada

editar

Joseph Albert - Ludwig und Malwine Schnorr von Carolsfeld - Tristan und Isolde, 1865f.jpg
Ludwig e Malvina Schnorr von Carolsfeld nos papeis principais na produción orixinal de Tristan und Isolde.
Vexa o artigo Richard Wagner.


Este mes

editar

Simone Young

  • 1 de marzo de 2010 – A ópera de Kaija Saariaho Émilie é estreada na Opéra de Lyon con Karita Mattila no papel protagonista.
  • 2 de marzo de 1961 – Simone Young (na imaxe), a primeira muller en dirixir na Wiener Staatsoper, nace en Sydney (Australia).
  • 6 de marzo de 1853 – Fanny Salvini-Donatelli preséntase como estrela na estrea mundial de La traviata de Giuseppe Verdi.
  • 16 de marzo de 1894 – Sibyl Sanderson canta o papel protagonista na estrea mundial da ópera de Massenet Thaïs.
  • 17 de marzo de 1665 – Élisabeth Jacquet nace en París. A súa Céphale et Procris foi a primeira ópera composta por unha muller para a Opéra de Paris.
  • 20 de marzo de 1952 – Birgitta Svendén, mezzo-soprano e directora xeral da Kungliga Operan (Real Ópera de Suecia), nace en Porjus (Suecia).
  • 23 de marzo de 2006 – Sarah Caldwell, directora de ópera, empresaria e directora de escena estadounidense, morre en Portland (Maine, Estados Unidos.
  • 28 de marzo de 1911 – Myfanwy Piper, a libretista das óperas de Benjamin Britten The Turn of the Screw, Owen Wingrave, e Death in Venice nace en Londres.
Categorías

editar

Queres atopar artigos relacionados coa ópera? Proba buscando nas seguintes categorías:

Biografía destacada

editar

RichardWagner.jpg
Wilhelm Richard Wagner, coñecido simplemente como Richard Wagner, nado en Leipzig o 22 de maio de 1813 e finado en Venecia o 13 de febreiro de 1883, foi un compositor, director de orquestra, poeta, ensaísta, dramaturgo e teórico musical alemán do Romanticismo. Wagner é coñecido principalmente polas súas óperas (se ben as súas derradeiras composicións escénicas foron denominadas por el mesmo polo nome "drama musical"), asumindo, á diferenza da meirande parte dos compositores de ópera, a elaboración da música, do libreto e da escenografía das mesmas.

Transformou o pensamento musical coa idea da «obra de arte total» (en alemán Gesamtkunstwerk), a síntese de todas as artes poéticas, visuais, musicais e escénicas, que desenvolveu nunha serie de ensaios entre 1849 e 1852, e que plasmou na primeira metade da súa monumental tetraloxía Der Ring des Nibelungen. Con todo, as súas ideas sobre a relación entre a música e o teatro mudaron de novo e reintroduciu algunhas formas operísticas tradicionais nas obras da súa última etapa, como en Die Meistersinger von Nürnberg.

A súa ópera Tristan und Isolde é ás veces descrita como punto de inicio da música contemporánea. A influencia de Wagner estendeuse tamén á filosofía, á literatura, ás artes visuais e o teatro. Os puntos de vista de Wagner sobre a dirección orquestral tamén foron moi influentes. Escribiu amplamente sobre música, teatro e política, obras que teñen sido obxecto de debate nas últimas décadas, especialmente algunhas de contido antisemita e pola súa suposta influencia sobre Adolf Hitler e o nazismo.

Cita destacada

editar

Giuseppe Verdi. Portrait by Giovanni Boldini, 1886
Adoro a arte... cando estou só coas miñas notas, os latidos do meu corazón e as lágrimas caen, a miña emoción e pracer son inmensos.
Son destacado

editar

Aria Vissi d'arte, pertencente ao Acto II de Tosca de Giacomo Puccini.
Cantada por Emmy Destinn.
Sabías que...

editar

Portal:Ópera/Curiosidades sobre Ópera/5

Artigos de calidade e bos


Proxectos relacionados
Portais relacionados
Proxectos irmáns
Traído desde "https://gl.wikipedia.org/w/index.php?title=Portal:Ópera&oldid=4453598"