Portal:Ferrol

Na Galipedia, a Wikipedia en galego.
Saltar ata a navegación Saltar á procura
Portal Ferrol.jpeg
Escudo de Ferrol.svg

Ferrol é unha cidade e concello da provincia da Coruña, pertencente á comarca de Ferrolterra, terceira concentración urbana de Galicia, da cal é capital. Segundo o INE en 2014 tiña 70.389 habitantes, sendo a sétima cidade máis habitada de Galicia e a terceira da provincia. A cidade ocupa un emprazamento peninsular dentro da ría que leva o seu nome, a Ría de Ferrol.

Constitúe unha das cidades galegas máis importantes no eido industrial, cunha especial influencia do sector naval. Tamén conta cunha importante actividade das Forzas Armadas, principalmente da Armada Española, que ten dende o século XVIII unha das súas principais bases navais e un destacado Arsenal Militar.

A cidade aséntase de cara á ría de Ferrol, aínda que tamén conta cunha destacada fachada litoral cara ó Océano Atlántico na zona rural. Esa fachada acolle algunhas das máis afamadas praias, como as asentadas nas parroquias de Doniños, San Xurxo ou Covas.

Ademais da cidade, o termo municipal comprende once parroquias rurais e a vila da Graña, considerada como zona urbana a efectos legais aínda que se atope no arrabalde. O concello ten unha densidade de poboación de 852,17 hab./km² e unha superficie de 82,6 km².

Entre o patrimonio da cidade destacan o Castelo de San Felipe ou Concatedral de San Xiao. Por outra banda, a Semana Santa de Ferrol, un dos acontecementos máis sinalados do ano, xunta unha gran cantidade de turistas e é declarada de interese internacional.

Artigo destacado

editar

Polideportivo A Malata.JPG
O OAR Ferrol foi un club de baloncesto galego da cidade de Ferrol. Fundado en 1951, en 1982 foi un dos fundadores da Asociación de Clubs de Baloncesto (ACB). O equipo desapareceu en 1996 por motivos económicos.

Na tempada 1979-80 foi campión da Segunda División, conseguindo deste xeito o ascenso á máxima categoría, na que permaneceu sete tempadas. Logo dun ano na segunda categoría (denominada daquela Primeira División B) conseguiu de novo o ascenso á Liga ACB, na que permaneceu ata o seu descenso en 1994.

Foi durante a presidencia de Juan Fernández García cando o club obtén os seus maiores éxitos deportivos, marcados por sucesivos ascensos de categoría que levan ao club a militar durante trece anos na máxima categoría do baloncesto español. Nestes trece anos logra clasificarse en tres ocasións para xogar competición europea, concretamente a Copa Korać.

Nos 45 anos de historia do equipo pasaron xogadores como Fernando Romay, Bob McCann, Otis Howard, Anicet Lavodrama ou Miguel Ángel Loureiro.

Lugar de interese

editar

Ferrol-09.jpg
O Teatro Jofre é unha institución cultural da cidade de Ferrol, inaugurado en 1892. É unha das máis importantes obras da arquitectura teatral da España do século XIX. O seu interior, coa súa espléndida acústica e fermosa decoración, é testemuña da actividade cultural da cidade.

Contra o século XVIII Ferrol contaba co teatro do italiano Nicolás Settaro, onde se representaban funcións dramáticas, líricas e bailes, que foi destruído por un incendio. En 1862, un grupo de ferroláns comezaron a construción do novo teatro. Os arquitectos Faustino Domínguez Domínguez e o seu fillo Faustino Domínguez Coumes-Gay, foron os autores do primeiro proxecto e do edificio final, respectivamente. A pesar de que os beneficios da empresa serían para o Hospital de Caridade, o que tiña que facilitar a construción, as obras non rematarían de non ser polo apoio do ferrolán Joaquín Jofre Maristany, afincado en Buenos Aires. A importancia da súa persoa na construción do teatro fixo que se lle dese o seu nome. Foi inaugurado trinta anos despois de comezadas as obras, o 19 de maio de 1892.

A fachada orixinal do Teatro Jofre ocupaba a actual praza de Galicia, e contrastaba na súa sinxeleza co interior. Na actual destacan as columnas decoradas con elementos teatrais. A planta ten forma de ferradura. O interior, de tres pisos decorados, e con frescos no teito que representan os xéneros teatris.

Imaxe destacada

editar

Jofre 11053TM.jpg
Fachada do Teatro Jofre.
Vexa o artigo Barrio da Magdalena.


Biografía destacada

editar

Paula Vázquez 2012 (cropped).jpg
Paula Vázquez Picallo, nada en Ferrol o 26 de novembro de 1974, é unha actriz, presentadora de televisión e modelo galega.

Logo de trasladarse a Barcelona coa súa familia comezou a súa carreira profesional como modelo e azafata, debutando na televisión como azafata no programa de TVE Un, dos, tres. Logo dunha primeira etapa televisiva pasou a incorporarse á serie Canguros, así como a participar en Huele bien e Últimas vacaciones. Ten presentado espazos como El juego del euromillón ou Gran Hermano 3 en Telecinco.

Logo dunha etapa en Antena 3, regresou a Televisión Española, estreándose no aniversario da Gala 50 anos de TVE como presentadora xunto a Laura Valenzuela e Anne Igartiburu. En 2007 presenta o programa Misión Eurovisión, en que se pretende seleccionar aos representantes de España no concurso de Eurovisión.

Tras presentar na canle Cuatro o reality Fama, ¡a bailar! e Pekín Express e realizar distintos pilotos para Mediaset España que foron descartados, Paula Vazquez foi fichada en novembro de 2011 por Antena 3. O 26 de marzo de 2012 estreou nesa cadea o talent show El número uno.

Sabías que...?

editar

Semana Santa de Ferrol.


Artigos de calidade e bos

editar

Nuvola filesystems services.svg Artigos de calidade (0)

Crystal Clear action bookmark Silver.png Artigos bos (0)


Portais relacionados
Proxectos irmáns
Traído desde "https://gl.wikipedia.org/w/index.php?title=Portal:Ferrol&oldid=4105985"