Teatro Rosalía de Castro

Na Galipedia, a Wikipedia en galego.
Saltar para a navegação Saltar para a pesquisa
Teatro Rosalía de Castro
Rosalía de Castro
Localización de Teatro Rosalía de Castro en Galicia
Teatro Rosalía de Castro
Localización en Galiza
Enderezo rúa Rego de Auga 37, 15003 A Coruña
Cidade A Coruña
País Galicia Galiza
Coordenadas 43°22′13″N 8°23′55″O / 43.370206, -8.398623Coordenadas: 43°22′13″N 8°23′55″O / 43.370206, -8.398623
Propiedade de Concello da Coruña
Capacidade de 628 a 712
Inauguración século XIX
Uso actual Representacións teatrais
Concertos

O Teatro Rosalía de Castro é unha institución cultural da cidade da Coruña, de titularidade municipal, xestionada polo Instituto Municipal Coruña Espectáculos (IMCE) do Concello da Coruña e dirixido por Javier Sabadie Iglesias. Trátase dun centro de representación escénica situado no centro da cidade herculina, en plena Rúa Real e moi próximo á Praza de María Pita. Nas súas dependencias atópase tamén dende o 20 de maio de 1994, a Biblioteca da Deputación Provincial da Coruña.

Características[editar | editar a fonte]

O edificio é un teatro do século XIX de estilo ecléctico. Dispón dun escenario de 150 metros cadrados e dunha capacidade de entre 628 e 712 localidades repartidas entre o patio de butacas e catro niveis, e que se encontran acondicionadas para albergar distintos tipos de espectáculos artísticos (música, danza, teatro etc).

Historia[editar | editar a fonte]

Acceso ao teatro.

A historia do emblemático edificio que alberga o Teatro Rosalía de Castro, na céntrica rúa Rego de Auga (no número 37) remóntase ao ano 1838, cando o Concello da Coruña adquiriu o terreo edificable da antiga igrexa de San Xurxo para construír o teatro e emitiu unha subscrición pública de accións para realizar a devandita construción. As obras de construción do novo teatro finalizalo en 1841, ano no que se inaugurou o Teatro Nuevo ou Principal. En 1851 debutou no teatro o violinista Pablo Sarasate. En 1867 o teatro foi destruído por un incendio, sendo reconstruído en 1868.

O nome actual do teatro data de 1909, e en 1910 adaptouse para realizar proxeccións cinematográficas. En xuño de 1931 tivo lugar no teatro a Asemblea Rexional que se reuniu para aprobar o primeiro proxecto de estatuto de Galicia[1] e o 8 de decembro de 1935 acolleu un mitin organizado pola Confederación Rexional Galaica da CNT no que participaron Federica Montseny, Manuel Amil Barcia e Claro José Sendón.

O 20 de maio de 1994 instalouse nas súas dependencias a Biblioteca da Deputación Provincial da Coruña.

Notas[editar | editar a fonte]

  1. Reiriz Rey, Jesús María; Alfeirán Rodríguez, Xosé (2004). Tiempos republicanos (en español). A Coruña: Ateneo Republicano de Galicia. ISBN 84-933103-2-8. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Teatro_Rosalía_de_Castro&oldid=4558935"