Termas romanas de Lugo

Na Galipedia, a Wikipedia en galego.
Saltar para a navegação Saltar para a pesquisa

Coordenadas: 43°00′42″N 07°33′26″O / 43.01167, -7.55722

Parte do conxunto das Termas.

As termas romanas de Lugo son os restos do antigo balneario romano situado á beira do río Miño, preto da antiga ponte romana. Estas termas romanas foron declaradas Monumento Histórico-Artístico en 1931, e agora forman parte das instalacións do Hotel Balneario de Lugo. A construción destes baños é contemporánea á fundación da cidade, ao redor do ano 15 a.C.. O recinto mellor conservado das instalacións é o apodycterium, o vestiario.

Descrición[editar | editar a fonte]

A instalación de termas e balneario era esencial dentro da Roma antiga, polo que se abriron ao tempo que se fundaba Lucus Augusti. Recibían auga dun manancial termal con propiedades minero-medicinais,[1] con augas sulfurado-sódicas e carbonatadas que abrollan a 43,8 ºC. Estas augas son explotadas aínda hoxe dentro do Hotel Balneario de Lugo.[2]

O apodycterium é a área mellor conservada. Este lugar para espirse consiste nunha gran sala con pavimento de opus signinum, material de uso común composto de rebo de tella e ladrillo con cal. Ao fondo da sala hai dúas portas en arcos que dan paso a diversas estancias, incluída unha parede composta de dezaoito furnas que se usaban a modo de armario para gardar a vestimenta e os obxectos persoais.

Outra das zonas visitables é a antiga sala de baños, con forma abovedada. Había tres áreas diferenciadas: o frigidarium, para baños fríos; o tepidarium, para baños mornos, e o caldarium, para baños quentes. En épocas posteriores esta sala foi convertida en capela cristiá.

Notas[editar | editar a fonte]

  1. Meijide Failde, Rosa. "Historia del Balneario "Termas Romanas" de Lugo" (PDF). Universidade da Coruña. 
  2. Termas romanas de Lugo. Asturnatura

Véxase tamén[editar | editar a fonte]

Bibliografía[editar | editar a fonte]

  • Arias Vilas, F. e de Vega Rodríguez, A. (1997): "Las termas romanas de Lugo", en Peréx Agorreta, M. J.: Termalismo antiguo. Actas I Congreso Peninsular. ISBN 9788436236033
  • Meijide Cameselle, G. e Herves Raigoso, F. (2000): "Un nuevo espacio en las termas de Lugo", en Fernández Ochoa, C. e García Entero, V.: II Coloquio Internacional de Arqueología en Gijón. Termas romanas en el Occidente del Imperio. Concello de Xixón. ISBN 9788489880379

Outros artigos[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Termas_romanas_de_Lugo&oldid=4542244"