Terras Baixas Escocesas

Na Galipedia, a Wikipedia en galego.
Saltar para a navegação Saltar para a pesquisa
Highlands e Lowlands escocesas

As Lowlands ou Terras baixas escocesas (en gaélico escocés, a Ghalldachd, é dicir, "a zona non gaélica"), é a denominación habitual, aínda que non ofical, da parte meridional de Escocia, é dicir, todas aquelas rexións non comprendidas nas Terras Altas ou Highlands. A liña divisoria entre Terras Altas e Terras Baixas sitúase convencionalmente no Firth of Clyde, entre Stonehaven e Helensburgh. A denominación pode non ser do todo acertada, xa que boa parte das chamadas "Terras Baixas" non son precisamente chairas, nin todas as Terras Altas son montañosas.

División administrativa[editar | editar a fonte]

Na división tradicional, pertencen aos Lowlands os condados de:

  • Ayrshire
  • Berwickshire
  • Clackmannanshire
  • Dumfriesshire
  • East Lothian
  • Fife
  • Kinross-shire
  • Kirkcudbrightshire
  • Lanarkshire
  • Mid-Lothian
  • Peeblesshire
  • Renfrewshire
  • Roxburghshire
  • Selkirkshire
  • West Lothian
  • Wigtownshire

Algúns condados que posúen terras tanto nas Highlands como nas Lowlands son:

  • Angus
  • Dunbartonshire
  • Stirlingshire
  • Perthshire
  • Kincardineshire
  • Aberdeenshire
  • Banffshire
  • Moray.

Malia ser Caithness considerado como parte das Highlands, tamén adoita seres incluído entre as Lowlands. As Illas Orkney e as Illas Shetland son tamén denominadas ocasionalmente como Lowlands, debido principalmente a que empregan un idioma distinto do gaélico; pero teñen unha identidade completamente distinta, máis achegada á dos países nórdicos, ata o punto de que algúns dos seus habitantes non se consideran escoceses.

Os condados máis meridionais de Escocia, lindeiros con Inglaterra, son denominados tamén Borders, e en ocasións son considerados como unha entidade separada dos Lowlands.

O termo Scottish Lowlands emprégase xeralmente para referirse á lingua escocesa, así como para referirse á historia de Escocia ou ao sistema de clans, así como á xenealoxía.

Traído desde "https://gl.wikipedia.org/w/index.php?title=Terras_Baixas_Escocesas&oldid=4810895"