Uhha-Ziti

Na Galipedia, a Wikipedia en galego.
Saltar ata a navegación Saltar á procura

Uhha-Ziti foi rei de Arzawa desde aproximadamente o -1330 ata o -1320 ou -1319.

Historia[editar | editar a fonte]

O rei hitita Mursilis II iniciou o seu reinado combatendo aos Kaska do nordeste de Anatolia, preto da Cólquida, e ao reino de Palhuissa que ficou pacificado no segundo ano de reinado; na primavera seguinte foi desde Ankuwa contra Attarimma, Huwarsanassa e Suruda, cuxos reis fuxiron a Arzawa. Mursilis pediu a súa entrega, pero Uhha-Ziti negouse e ofendeuno chamándolle "rapaz". Mursilis foi a Palhuissa para reunir un exército. A campaña está ben documentada nos anais (ano dous): invadiu Arzawa e no monte Lawasa, pouco antes de chegar ao río Sehiriya, veu un raio (un meteoro probabelmente) que marcaba dirección norte cara Apasas. En Sallapa, Mursilis xuntou as súas forzas coas do seu irmán Sarri-Kusuh, ao que o seu pai había facer rei de Kargamis (Karkemish, en Siria).

En Aura, Maskhuiluwas rei de Mira informouno que o raio ferira a Uhha-Ziti no xeonllo e o deixara incapacitado. O rei de Arzawa non se recuperou o suficiente, pero aliado co rei de Ahhiuwa enviou ao seu fillo, Piyama-Kurunta, a atacar a Maskhuiluwas de Mira, e posibelmente destruíu Impa, pero Maskhuiluwas o rexeitou.

Maskhuiluwas volveu a Hapanuwa, e ficou fiel aliado hitita. Mursilis enviou a Gullas e Malazitis a saquearen a cidade de Milawata (Mileto) aliada de Ahhiyawa. Co pai aínda incapacitado para camiñar, Piyama-Kurunta presentou batalla en Walma, na rexión de Astarpa, e foi derrotado. Uhha-Ziti fuxiu ás illas da costa e morreu pouco despois.

Traído desde "https://gl.wikipedia.org/w/index.php?title=Uhha-Ziti&oldid=4811624"