Xabier P. DoCampo

Na Galipedia, a Wikipedia en galego.
Saltar ata a navegación Saltar á procura
Xabier P. DoCampo
Xabier P. DoCampo (AELG)-1.jpg
Nome completoFrancisco Xabier Puente Docampo
Nacemento5 de abril de 1946
 Rábade
Falecemento26 de xuño de 2018
 A Coruña
NacionalidadeEspaña
Ocupaciónmestre e escritor
PremiosPremio Nacional de Literatura infantil e xuvenil de España
Firma de Xabier Docampo.png
editar datos en Wikidata ]

Francisco Xabier Puente Docampo, coñecido popularmente como Xabier P. DoCampo, nado en Rábade o 5 de abril de 1946 e finado na Coruña o 26 de xuño de 2018,[1] foi un mestre, escritor, contacontos, actor de teatro, guionista e promotor da lingua e a cultura galega, ademais de animador á lectura e experto en bibliotecas escolares.

Traxectoria[editar | editar a fonte]

Traballou como mestre en varios colexios e durante oito anos en Preescolar na Casa. Sempre relacionado cos movementos de renovación pedagóxica, pertenceu ao Consello de Redacción da Revista Galega de Educación. Deu cursos a profesores e relatorios en congresos sobre a didáctica da lingua e a literatura, sobre a lectura e a súa implantación escolar e social, sobre a narración oral, a súa estrutura, a súa influencia na literatura escrita e a súa utilización didáctica, tanto en Galicia coma fóra. Escribiu libros de texto para a escola e textos de ensaio didáctico e pedagóxico. Foi tamén actor e director de teatro e colaborou durante sete anos en Radio Nacional de España en Galicia como guionista e como director de programas de diverso tipo e formato.

Trátase dun dos grandes renovadores da literatura infantil-xuvenil galega.

En 1995 obtivo o Premio Nacional de literatura infantil e xuvenil por Cando petan na porta pela noite, seleccionada así mesmo como unha das cen mellores obras do século XX español, segundo a Fundación Germán Sánchez Ruipérez.

A súa tarefa pedagóxica intégrase na chamada Nova Escola Galega.

Participou activamente na creación da Asociación Galega do Libro Infantil e Xuvenil, de cuxa Xunta directiva formou parte durante cinco anos, dous deles como presidente. Colaborou semanalmente no programa da Radio Galega Un día por diante cun comentario literario.

Obras[editar | editar a fonte]

Xabier P. Docampo.jpg

Literatura infanto-xuvenil[editar | editar a fonte]

  • O misterio das badaladas (1986, Vía Láctea).
  • Cun ollo aberto e outro sen cerrar (1986, Vía Láctea).
  • A chave das noces (1988, Vía Láctea).
  • O armario novo de Rubén (1989, Xerais).
  • A nena de auga e o príncipe de lume (1990, Xerais).
  • A casa do porco bravo (1991, Xerais).
  • Roxelio e a couza (1991).
  • O país durminte (1993, Xerais).
  • Cando petan na porta pola noite (1994, Xerais).
  • Adelaida, Henrique e demais familia (1996, Galaxia).
  • O habanero (1997).
  • O pazo baleiro (1997, Xerais).
  • Breogán (1998, A Nosa Terra).
  • ¡Estampado! (1998, Xunta de Galicia).
  • O home que inventou unha maneira de andar (1998, Galaxia).
  • A viaxe de Purpurina ou a historia dunha pinga de auga (1999, Xunta de Galicia).
  • Catro cartas (2000, Anaya).
  • Nube de neve (2000, Everest).
  • Os ollos de Ramón (2001, Everest).
  • Un conto de tres noites (2001, Xerais).
  • ¿Víchela, víchela? (2001, Casals).
  • A casa da luz (2002, Xerais).
  • Bolboretas (2004, Everest).
  • De cores e de amores (2005, Galaxia).
  • A decisión de Valerio (2005, Xerais).
  • A noite das filantes (2009, Galaxia).
  • Mans (2011, Everest).
  • A nena de auga e o príncipe de lume (2012, Xerais).
  • O país adormentado (2012, Xerais).
  • A illa de todas as illas (2013, Xerais).
  • Nube de neve (Oqueleo, 2017)

Narrativa[editar | editar a fonte]

  • O libro das viaxes imaxinarias (2008, Xerais).
  • A nena do abrigo de astracán (2017, Xerais).

Ensaio[editar | editar a fonte]

  • Falar e escoitar (1992, Xerais).

Obras colectivas[editar | editar a fonte]

  • Os contos da campaña (3) (1992, Xunta de Galicia).
  • Trazos, trozos e retrincos (1992, Xunta de Galicia).
  • Construír a paz (1996, Xerais).
  • Unha liña no ceo (58 narradores galegos 1979-1996) (1996, Xerais).
  • Novo do trinque (1997, BNG).
  • Imos xuntos camiñar (1999, Xunta de Galicia).
  • Novos exercicios de estilo (2000, Universidade da Coruña).
  • Contos de ler e contar (2001, Xunta de Galicia).
  • Historias para calquera lugar (2001, Xerais).
  • Manuel María (2001, Ophiusa).
  • Contos do museo (2003, Deputación de Lugo).
  • Narradio. 56 historias no ar (2003, Xerais).
  • Contos de máscaras, rúas, perdicións e caníbales (2004, Xunta de Galicia).[2]
  • Educación e Paz III. Literatura galega pola Paz (2008, Xerais).
  • 55 mentiras sobre a lingua galega (2009), Laiovento).
  • Marcos Valcárcel. O valor da xenerosidade (2009, Difusora).
  • Cociñando ao pé da letra (2011, Galaxia). Colaboración con varios autores sobre poesía e cociña.

Premios[editar | editar a fonte]

  • Premio Feira do Libro da Coruña, 1989, polo conxunto da súa obra narrativa.
  • Premio Emilia Pardo Bazán do Ministerio de Educación.
  • Premio Rañolas 1994 á mellor obra de Literatura Infantil e Xuvenil en Galicia.
  • Premio Nacional de Literatura Infantil e Xuvenil en 1995, por Cando petan na porta pola noite.
  • Honourl List IBBY 1996.
  • The White Ravens 1997 da Jugendbibliothek de Múnic.
  • Premio Lecturas da Asociación do Libro Infantil e Xuvenil de Galicia (GALIX) de 2004.
  • The White Ravens 2005 da Jugendbibliotethet de Múnic, por Bolboretas.
  • Premio Isaac Díaz Pardo ao Libro Ilustrado no 2008, por O libro das viaxes imaxinarias.
  • Premio da Asociación de Escritores en Lingua Galega de Infantil-Xuvenil no 2008, por O libro das viaxes imaxinarias.
  • Premio Fervenzas Literarias ao Mellor Libro Xuvenil no 2008, por O libro das viaxes imaxinarias.
  • Premio da AELG á mellor obra de literatura infanto-xuvenil do 2013, por A illa de todas as illas.
  • Premio Fervenzas Literarias ao mellor libro de narrativa de 2017, por A nena do abrigo de astracán.
  • Premio á mellor obra narrativa por A nena do abrigo de astracán na Gala do Libro Galego do 2018.[3]

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]

Traído desde "https://gl.wikipedia.org/w/index.php?title=Xabier_P._DoCampo&oldid=4876173"